sumiginnaaneq
Siumut sinnerlugu Inatsisartunut ilaasortaq: Naqinnernik ilisarsisinnaanngitsut sumiginnarpavut
Naqinnernik ilisarsisinnaanngitsunut kiisalu atuarniarnermik allanniarnermillu ajornartorsiutilinnut piffissami ungasinngitsumik atuartitsinissamut neqerooruteqartoqalernissaa ilimananngilaq. Tamanna Inatsisartunut ilaasortap Suka K. Frederiksenip pakatsissutigaa
Knud Rasmussenip Højskoliata naqinnernik ilisarsisinnaanngitsunik kiisalu
atuarniarnerminnik allanniarnerminnillu ajornartorsiutilinnik atuartitsineq aasap ingerlanerani unitsimmaguli taakkununnga allanik neqerooruteqartoqarsimanngilaq.
Naalakkersuisup Nivi Olsenip paragraf 37 naapertorlugu Inatsisartunut ilaasortamut Suka K. Frederiksenimut, Siumut, akissutaa malillugu taakkununnga siunissami qanittumi neqerooruteqartoqalerumaarnera aamma ilimananngitsoq Suka K. Frederiksen isumaqarpoq.
Taanna højskolip naqinnernik ilisarsisinnaanngitsunut kiisalu atuarniarnerminnik allanniarnerminnillu ajornartorsiutilinnut atuartitsinini unitsimmagu taakkununnga qanoq iliortoqarnissaanik akissummik ujartuivoq.
Naalakkersuisoq pakatsissutigaa
- Akissutit apeqqutinik arlaqarnerusunik pilersitsipput aqqutillu suli takingaatsiartussaaneranik takutitsillutik. Ajornartorsiutit piffissaagallartillugu paasineqanngitsoortarput taamaalillunilu iliuusissanik naqinnernik ilisarsisinnaanngitsut kiisalu atuarniarnerminnik allanniarnerminnillu ajornartorsiutillit ingerlariaqqinnissaannut pisariaqartut aallartinneqanngitsoortarlutik. Tamanna nunatsinni naqinnernik ilisarsisin- naanngitsut kiisalu atuarniarnerminnik allanniarnerminnillu ajornartorsiutillit amer- lasuut annerusumik minnerusumilluunniit imminnut isumagisussanngortitaasarneran- nik ajoraluartumik kinguneqartarpoq. Sumiginnarpavut, Suka K. Frederiksen oqarpoq.
Taassuma nunatsinni naqinnernik ilisarsisinnaanngitsut qassiunerat Nivi Olsenip akisinnaanngimmagu pakatsissutigaa.
Allaaserineqartoq Sermitsiami atuarneqarsinnaavoq. Aviisi tamakkiisoq ataani pisiariuk: