Skip to main content

Siumut Qeqqata Kommuniani ajugaavoq

Arfineq-pingasunik isertitaqarlutik Siumut Qeqqata Kommuniani qinerneqarnerpaavoq

Qeqqata Kommuniani Siumut partiini amerlanerussuteqarpoq.

Partii katillugit 2.151 qinerneqarmat borgmesteriutitaqalertussanngorpoq.

Qinigaavimmiilli kingullermit ilaasortaatitaat ikileriaateqarput. Qulingiluaasimagaluartut arfineq-pingasunngormata.

Malik Berthelsen (S) 522-nik taaneqarluni qinerneqarnerpaavoq. 

Atuaruk: Malik Berthelsen Sisimiuni qinerneqarnerpaavoq

Qeqqata Kommuniani kommunalbestyrelsimi ilaasortanngortut ukuupput:

Siumut:

  • Malik Berthelsen - 522-nik qinerneqarpoq
  • Erik Jensen - 438-nik qinerneqarpoq
  • Gideon Lyberth - 283-inik qinerneqarpoq
  • Hans Frederik Olsen - 135-inik qinerneqarpoq
  • Evelyn Frederiksen - 108-nik qinerneqarpoq
  • Karl Lyberth - 97-nik qinerneqarpoq
  • Frederik Olsen - 83-inik qinerneqarpoq
  • Ruth Heilmann - 78-inik qinerneqarpoq

Atassut:

  • Siverth K. Heilmann - 596-inik qinerneqarpoq
  • Anna Karen Hoffmann - 54-inik qinerneqarpoq
  • Emilie Olsen - 83-inik qinerneqarpoq

Inuit Ataqatigiit:

  • Juliane Enoksen - 196-inik qinerneqarpoq
  • Sofie Dorthe R. Olsen - 94-inik qinerneqarpoq
  • Erneeraq Poulsen - 75-inik qinerneqarpoq

Partii Naleraq:

  • Henrik Fleischer - 118-inik qinerneqarpoq

Atuaruk: Maniitsumi Siverth K. Heilmann taaguunneqarluartoq

Sermitsiaq.AG-iip Qeqqata Kommuniani borgmesterinngortussaq Malik Berthelsen oqaloqatigisimavaa.

Taama amerlatigisunik qinerneqarsimanini tupaallaatigaa.

- Ilumoornera suli uppernarsinngilara, Malik Berthelsen nuannaaqaluni, Sermitsiaq.AG-mut oqarpoq.

Unammilligassaqaqaaq

Piffissami aggersumi unammilligassaqarumaartoq, oqaluttuaraa.

- Borgmesteriussagaanni akisussaaffik annertoorujussuaq tigusassaavoq, aammalu unammilligassarpassuaqasalluni.

- Atuarfeqarfiulli kivinneqarnissaa pingaarnerpaavoq. Atuartut amerlanersaat ilinniarfinnut ingerlariaqqittalernissaat sulissutigissavarput tamannalu kommuneqarfitsinnut tamanut iluaqutaassaaq. Taannaavoq unammilligassaq annerpaaq, Malik Berthelsen oqarpoq.

PIumassuseqarluartoq

Sisimiuni innuttaasunit taama annertugisumik tapersersorneqarnissani qularutigisimallugu, borgmesterissap oqaluttuaraa.

-  Partiitsinni qineqqusaartorpassuuvugut, taamaammat oqariartuuteqarniarneq ajornakusoorsimavoq, aammalu ajoraluartumik tv-kkut qineqqusaarnermi peqataanngitsoorsimavunga. Qineqqusaartut taama amerlatigingatta oqartiartuutitsinnik saqqummiussiniarneq ajornakusoorsimavoq.

- Sisimiunilu innuttaasut nalunngilaat politikkikkut anguniakkakka pillugit qanoq piumassuseqarluartigisunga, taaguunneqarluarsimaneralu tassunga patsisaasinnaavoq, Malik Berthelsen oqarpoq. Maliup ilaquttani kammalaatinilu qinersinerup inernera eqqississillutik angerlarsimaffimminni nuannaarutigaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER