Skip to main content

Siumut Qeqertalimmi COVID-19-imit tupatsitaaneq ilinniarfigerusuppaa

Kommune Qeqertalimmi kommunalbestyrelsemi Siumut gruppiata, coronap nalaani maleruaqqusat innersuussutillu sukateriffigerusuppai.

Aasianni coronamik napparsimasoq, ullut tallimassaanni misissortinnginnermini pulaartoqartarsimasoq tunillaasimasinnaasorlu, Aasianni tupatsitsingaatsiarpoq. Tunillatsissimasoq pingasunngormat paasineqarpoq.

Tunillatsittup mattusimanissaminik malinnissimannginnera pissutigalugu Aasianni, Nuummi Sisimiunilu innuttaasut arlallit angerlarsimaannaqqusaallutik mattusimasariaqarsimapput.

LÆS OGSÅ: Tunillatsissimasoq malittarisassanik malinnissimanngilaq

 

Enok Sandgreen, Kommune Qeqertalimmi Siumup gruppeani siulittaasup, COVID-19 pillugu tupatsitaarujussuarneq innuttaasunut kommunimilu politikerinut ilinniutaasariaqartoq, isumaqarpoq.

- Aasianni coronartumik siumuisoqarnera tupannarlunilu aamma immitsinnut eqqaasitsitssutitut ilinniutaassooq. Nakorsaaneqarfiup innersuussutaa angerlarsimalluni mattussimaneq malinneqarsimannginnera soorunami sakkortuumik uparuagassaavoq, Enok Sandgreen tusagassiorfinnut nalunaaruteqarluni allappoq, ilanngullugulu kommuni pisuutillugu inunnik arlalinnik tunillatsitsisimasinnaammat.

- Isumarput malillugu Kommuni Qeqertaliup akisussaaffimmik annertuumik tigummeqataavoq. Tassami kommuunimi ataatsimiitsitaliatta Nuummut paasissassarsioriarpoq, pisortallu nalusimanavianngilaat angerlarsimalluni mattusimasup najugaqatai aamma angerlarsimaannaqqusaassasut.

Malittarisassat sukatertariaqarsorai

Covid-19-ip tunillaassunnginnissaanut nuna tamakkerlugu iliuutsit Siumut Qeqertallip naammagisimaarpai. Pitsanngorsagassaqarsoraluguli.

- Pisariaqarpoq angerlarsimaannarallarnissamik aalajangiisoqartillugu illoqataasut aamma angerlarsimaannaqqusaasarnissaaq, Enok Sandgreen oqarpoq.

LÆS OGSÅ: Aasiaat: Flere tiltag for at undgå smittespredning

Taama nalunaaruteqarneq kommunimi borgmesterip Ane Hansenip oqaatigereerpaa. Taassuma mattusimanermi nalaani kissaatigalugu oqariartuutigaa angerlarsimaannartussaatitaasut inoqutaat assiganik aamma pineqartarnissaat.

Peqqissutsimut Naalakkersuisoq, Anna Wangenheim, pingasunngornermi apeqqarissaarfigineqarami oqarpoq, killilersuutit naammaginartutut nalilerneqartut, pissutsilli allanngoratarsinnaanerat oqartussanit ullut tamaasa malinnaavigineqartut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER