Siumut piumasaqarpoq: Pisiniarfinni nioqqutissat akikinnerusut
Nioqqutissat ulluinnarsiutit akikitsut qanoq qulakkeerneqassappat? Neqeroorutit pitsaasut pissarsiariniarlugit sooq imaatigut ungasissumut angalasoqartassava? KNI-mit akissutigineqarpoq, akit appasitinniarlugit sapinngisamik iliuuseqartoqartoq.
Nunatsinni nioqqutissat sooq taama akisutigippat?
Tamanna Siumumeersup Jess Svanep paaserusuppaa Inatsisartunilu sammisaq tamatigut pissanganartuusartoq pillugu politikkikkut oqallittoqarnissaa siunnersuutigalugu.
Aviisi AG taama allappoq.
Pingaartumik illoqarfinni mikinerusuni nunaqarfinnilu akit taama qaffasitsiginerat eqqumiigaa.
- Avannaani atuisartut misigisarpaat assersuutigalugu najukkami pisiniarnermut taarsiullugu pisiniarluni Ilulissiarnissaq Aasiannukarnissarluunniit imminut akilersinnaanerusartoq, naak umiatsiaaqqamik pisiniarnissaq orsussamik aningaasartuuteqarfiusaraluartoq, AG-mut oqarpoq.
Marloriaat
Qasigiannguit najugaqarfigisani assersuutitut tikkuarpaa.
- Tassani ajornartorsiut atuisartunit tamanit ilisimaarineqarpoq. Nioqqutissat aalajangersimasut akiisa ilaatigooriarluni illoqarfinnut unammilleqatigiiffiusunut sanilliullugu marloriaammik akisunerusarnerat. Tamanna paasisinnaanngilara, umiarsuarmi taannarpiaq atorlugu nioqqutissat assersuutigalugu Qasigiannguanut assartorneqartarput Ilulissanut assartorneqartarnerisut, oqarpoq.
Allaaserisaq tamakkiisoq akillu atuuttut pillugit KNI-p pisortaata nassuiaataa aviisimi AG-mi atuarsinnaavatit. Aviisi uani ataani pissarsiarisinnaavat: