Skip to main content

Siumut partiimi pissaaneqarniunneq pillugu erseqqissaavoq

Sooq Erik Jensenip Naalakkersuisuni siulittaasuuffik Kim Kielsenimit suli tigusimannginneraa pillugu, Siumup siulittaasuata tullia nassuiaateqarpoq.

Siumumi siulittaasunngorniuuttoqarnerani nunatta kimit aqunneqarneranik nalornilersitsivoq, partiip siulittaasuata Erik Jensenip Naalakkersuisuni siulittaasuuffik Kim Kielsenimit kingoraanngimmagu.

Erik Jensen partiinut naalakkersuisoqataasunut malunnaatilimmik angusaqarfiunngitsumik isumaqatiginninniarnikuuvoq, taamaalillunilu Kim Kielsen suli pissaaneqarfiusumi atorfeqarpoq.

Politikkikkut nalorninartumik inissisimasoqarnera pissutigalugu, Siumup siulittaasuata tullia “erseqqissaammik” nalunaaruteqarpoq, Siumumi aqutsisut nutaat Kim Kielsenip Naalakkersuisuni siulittaasuujunnaarsinnissaanut tunngatillugu qanoq iliorsinnaanertik iliorsinnaannginnertillu oqaatigineqarpoq.

Nassuiaat
- Tassa Inatsisartut kisimik Naalakkersuisut Siulittaasuannik nutaamik akuersisinnaatitaanerat. Tamatuma saniatigut, Inatsisartut Siulittaasuat, Naalakkersuisut siulittaasuat Inatsisartuniluunniit amerlanerussuteqartut Inatsisartut immikkut ittumik ataatsimiigiaqqusisinnaapput. Aggersaasoqarsimanngimmallu Naalakkersuisunik allanngortitsineq pisinnaanngilaq, siulittaasup tullia ilisimatitsivoq.

Ilanngullugulu oqaatigineqarpoq, Siumup siulersuisuuneri “kiap sumi issianissaa piinnarlugu Inatsisartut ataatsimiigiaqquneqarnissaat” naapertuutinngitsoq isumaqarput, “immikkullu aggersaaniarneq inuiaqatigiinnut akisusinnaaqisoq”, Siumut isumaqarpoq.

Sammivik nutaaq ukkatarineqartoq
- Inatsisartut katerinnissaasa tungaannut Siumup aqutsisuisa ataatsimeersuarnermi politikikkut aalajangikkat torersumik imaat aalluppaat, taamaaliornikkullu politikikkut sulinermi sammivimmut nutaamut aqqutissiuussillutik, partiip ataatsimeersuarnerani nutaaanik sammiveqalernissaanut aqutsisoqalernissaanullu aalajangiiffiusumut innersuussilluni tamanna naqissuserneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER