Aleqas misbrug

Siumut Paamiut: Aleqa Siumumi siulittaasut apeqquserpaat

Paamiuni Siumup immikkoortortaqarfiata Siumut Nuuk tapersersorlugu Aleqa Hammondip nunatta karsianik atornerluisimanera akuerisinnaanngilaat – siulittaasutullu apeqquserlugu

Aleqa Hammond

- Uagut inatsisinik unioqqutitsisut akuersaarsinnaanngilagut, taamaammat sulinngiffeqaraluaruniluunniit uagut siulittaasuuginnarnissaa apeqquseqqavarput.

Taama ersaritsigisumik Siumup Paamiuni immikkoortortaqarfiani siulittaasoq, Tim Serritzlev, allappoq.

Atuaruk: Siumut Nuuk Aleqap siulittaasuuneranut apeqqusiinissamut piareeqqasut

Taamaalilluni Siumut siulittaasuanut, Aleqa Hammondimut, tunuliaqutaaniit tatisineq sakkortusiartorpoq.

- Siumut Nuup immikkoortortaqarfianniit tusagassiutitigut ippassaq nalunaarutaat Paamiuni Siumup immikkoortortaqarfianniit tapersiilluta oqariartuuteqarpugut. Isumaqarpugut tamanna ilungersunartuusoq, tassami Siumup tamanna politikkikkut siunertarinngilluinnarmagu, taamaattumik apeqquserparput ilumut naalakkersuisut siulittaasutut ingerlaannassanersoq?

- Soorunami misissueqqissaarnissaq tamanna utaqqimaaraluarparput, kisianni
takusinnaalereerparput aammalumi oqariartuutigineqalereerpoq inatsisinik
unioqqutitsisoqartoq, tamanna assut ilungersunarpoq, Tim Serritzlev allappoq, kisianni taassua qinersisoqarnissaa kaammattuutiginngilaa, qinersineq nunatta karsianut aningaasartuutaassammat.

Aleqa Hammondip pisortat aningaasaataannik atornerluineranut allaaserisat allat uani atuakkit

Powered by Labrador CMS