Skip to main content

Siumut: Nuuttunut qinersisinnaatitaaneq killeqartinneqarli

Inuit nunasisartut ukiup affaannaa qaangiuttoq qinersisinnaanngortarnerat Siumup naammagisimaanngilaa. Ukiut marluk imaluunniit arfineq-marluk qaangiukkaangata Inatsisartunut qinersisinnaanngortarnissaq, partiip siunnersuutigaa.

Tamanna qinersisarnermut inatsit pillugu apeqquteqaat naapertorlugu oqallinnissamut siunnersuummi, Siumup nassiussaani tamanna takuneqarsinnaavoq, taanna naalakkersuinermik suliaqartut novembarip qulingiluaani oqallisigissavaat.

Naleqqutinngitsumik sunniuteqartut
Siumup imatut tunngavilerpaa:

- Taamaattumik isumaqarpugut inuit ukiup affaa maaniiginnarlutik qinersisinnaalersartut naleqqutinngitsumik sunniuteqarfisaraat nuna naalagaaffinngornissaminut suliaqaruttulersoq. Isumaqarpugullu nalilersortariaqartoq avataaneersut tamarmik ikinnerpaamik ukiuni 2-ni imaluunniit 7-ni Kalaallit Nunaanni aalajangersimasumik najugaqareeraagamik aatsaat qinersisinnaatitaasalersinnaanerat. 

Qinersisarnermut inatsisip ukiumi 1998-imi allanngortinneqarneratigut nunarput qinersivittut ataasiinnanngortinneqarnera uggornartuutippaa.

- Tamatuma kinguneranik ullumikkut nunatta immikkoortuisa ilaat inatsisartuni immikkut sinniisoqarunnaarsimasutut oqaatigisariaqalersimapput, tamannalu kikkut tamat oqartussaaqataanerannik pingaartitsinermut naleqqutinngitsutut oqaatigisariaqarmat matumuuna siunnersuutigaarput nunatsinni qinersiviit amerlanerulersinneqarnissaat.

Nutaamik qinersivikkaartitsineq
Kommunalbestyrelsenut qinersisarnerup ilusiligaanerata pissuseqataanik aaqqiisoqarsinaanera, tassa kommunikkaartumik qinersiviit aaqqinneqarsinnaanerat partiip oqariartuutigaa:

  • Avannaa – (Qaanaaq, Upernavik, Uummannaq, Ilulissat) 4
  • Qeqertarsuup tunua – (Qeqertarsuaq, Qasigiannguit, Aasiaat, Kangaatsiaq) 4
  • Qeqqa – (Sisimiut, Maniitsoq) 4
  • Sermersooq – (Nuuk, Paamiut, Tasiilaq, Ittoqqortoormiit) 6
  • Kujataa – (Narsaq, Qaqortoq, Nanortalik) 4
  • Nunarput tamakkerlugu amerlanerpaanik taatittut tulliuttut 9
  • Katillugu Inatsisartunut ilaasortat 31-t

Upernaakkut inatsisip allanngortinneqarnissaanik neriuuteqartut
Partiip neriuutigaa, oqallinneq upernaakkut 2018-imi inatsimmut allannguutissamik saqqummiussisoqarnissaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER