Siumut Nuuk: Pisortani sanaartornermi suliffeqarfiit minnerit atorneqarnerulerlik

Nunaqavissut suliffiutillit minnerusut akunnattumillu angissusillit
pisortani sanaartortitsinermi annertunerusumik akuutinneqarnissaat, isumasioqatigiissitsinermi siunertaasoq, Siumut Nuummi siulittaasoq, Doris J. Jensen tusagassiutinut nalunaaruteqarluni allappoq.

Isumasioqatigiinnermi naalakkersuisut, politikerit, Nuuk City Developmentip pisortaa, sanaartornerup iluani suliffeqarfiit namminersortut, GrønlandsBanken, Banknordik, sulisitsisullu peqatigiiffii Sulisitsisut aamma NUSUKA peqataapput. Suliffeqarfiillu minnerit akunnattullu pisortat sanaartortitsinerini peqataanerulersinneqarnissaannut arlalinnik siunnersuuteqartoqarpoq.

Siunnersuutit ukuupput:

• Pisortat aningaasaliiffigisaannik sanaartortitsisoqassatillugu suliassat minnerit soorlu 5 millionit koruunit ataallugit akeqartut pinngitsooratik fagentreprisemik ingerlanneqartalissapput. Ullumikkut milliuunit koruunit affaat killigitinneqarpoq.
• Ilinniartoqartarnermut aaqqissuussineq allanngortinneqartariaqarpoq, suliffeqarfik marlunnik ilinniarsimasunik sulisoqarpat ilinniartoqarsinnaalersillugu. Suliffeqarfik aqqanilinnik ilinniarsimasunik sulisoqarpat, ilinniartoqarsinnaalertartoq ullumikkut atuuppoq.
• Suliariumannittussarsiuussisarnermi suliassanik tunniussisarneq Kommuneqarfik Sermersuumi ammanerusariaqartoq minnerpaamillu GE imaluunniit NUSUKA ilaanngippata suliffeqarfinniik sinniisoqartarnissaq piumasaqaataasariaqartoq, isumasioqatigiittut isumaqatigiipput.
• Suliffeqarfiit sanaartornermik ingerlataqartut suliassanik annertujaanik tigusisussaatillugit suliassat annertussusaannut sanaartugassanut aningaasatigut qularnaveeqqusiisarfimmik, aningaaseriviit suleqatigalugit pilersitsisoqarnissaa kaammattuutigineqarpoq.

Isumasioqatigiinnermi peqataasut ernummatigaat, Nuummi atuarfissap 700 milliuunit koruunit missaannik akeqartussap nunani allani suliffeqarfinnut tunniunneqarsimanera.

- Ajoraluartumik takusinnaanngilarput nunatsinni suliffiutilinnut iluaqutaanissaa. Nunaqavissunut suliffiutilinnut iluaqutaanngilluinnarpoq, tamannalu assut ajuusaarnarpoq, NUSUKA-p siulittaasua Gert Lynge oqarpoq.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...