Skip to main content

Siumut Nuuk: Eqqaassutissaq pillugu tusarniaaneq sivikippallaaqaaq

Siumut sinnerlugu Kommuneqarfik Sermersuumi kommunalbestyrelsemi ilaasortaq isumaqarpoq Hans Egedep eqqaassutissaata inissisimaneranut tunngatillugu tusarniaaneq sivikippallaartoq. Tusarniaanerup qaammatinik pingasunik sivisussuseqarnissaa piumasarineqarpoq.

Hans Egedemut eqqaassutissaq maanna iniminiiginnassava imaluunniit nuunneqassava? Apeqqut taanna Kommuneqarfik Sermersuumi innuttaasut elektroniskikkut taasititsissutigisinnaalerpaat.

Kommuneqarfik Sermersuumili Siumut sinnerlugu kommunalbestyrelsemi ilaasortaq, Jens Kristian Berthelsen isumaqarpoq, innuttaasunik tusarniaanermi suleriuseq naammanngitsoq.

Tunngavilersuutigineqarpoq elektroniskimik tusarniaanermi amerlasuut peqataanissaminnut periarfissaqarnavianngimmata.

Innuttaasut allakkatigut isummernissamut aamma periarfissinneqarsimapput, Siumut Nuulli tamanna aamma naammassorinngilaa.

- Oqallinnermut isummersornissamullu innuttaasut peqataanissaminnut killilersorneqalersinnaapput, taamalu equngasumik naammattumillu peqataatitsinani tusarniaaneq ingerlanneqalersinnaalluni, Siumut Nuummi siulittaasoq Inga Dora G. Markussen aamma Kommuneqarfik Sermersuumi Siumumi gruppemi siulittaasoq, Peter Davidsen tusagassiorfinnut nalunaaruteqarlutik allapput.

Tusarniaaneq sivitsorneqarli

Eqqaassutissaq pillugu oqallinneq sapaatit akunnerni marlussunni ingerlareerpoq. Nuummiut junip 21-ni iterput Hans Egedep eqqaassutissaa aappaluttumik amerneqarsimasoq, "decolonize"-millu allanneqarsimalluni.

Tamassuma kingorna eqqaassutissat allat, Kalaallit Nunaanniittut Danmarkimiittullu, assipaluanik pineqarsimapput.

Hans Egedep eqqaassutissaa iniminiiginnassanersoq allamulluunniit nuunneqassanersoq pillugu, Kommuneqarfik Sermersuumi innuttaasut aalajangeeqataanissamut periarfissinneqarput.

Tusarniaaneq sapaatit akunnerni pingasuni ingerlassaaq. Siumut Nuulli isumaqarpoq tusarniaaneq qaammatinik pingasunik sivisussuseqartariaqartoq, tusarniaaneq aasaanerani sulinngiffeqarnermi ingerlanneqarnera pissutigalugu.

- Pineqartup oqallisigilluarneqarnissaanut piffissaqarluartoqassaaq, aamma innuttaasunik ataatsimiisitsinerit qaammaassaqarluni tunngavissaqarluarlunilu peqataalluarfiusut ingerlanneqarsinnaapput, tunngavilersuutigineqarpoq

75 procentit aalajangiisuusut

Borgmester Charlotte Ludvigsen siusinnerusukkut oqarsimavoq innuttaasut taasisut 75 procentiisa eqqaassutissap peerneqarnissaanik kissaateqarlutik taasippata, aalajangiiffigisassaq kommunalbestyrelsemut ingerlateqqinneqarumaartoq. Tamannali Siumut Nuuk-mit isornartorsiorneqarpoq.

- Tamanna Siumut Nuummiit isumaqataaffiginngilarput. Borgmesterip kissaatigippagu innuttaasut nikuttaarlutik isummersussasut, taava tusarniaaneq qanoq atorniarneqarnersoq ilanngullugu oqaatigisariaqarpaa. Taamaanngippat tusarniaaneq pingaaruteqartoq sapanginneqassaaq, aamma apeqqut naammassillugu eqqartorneqarnavianngilaq, Siumut tunuliaqutaralugu politikerit marluk allapput.

Graffiti MasterClass maani eqqumiitsuliortut illorsuit iigaanni eqqumiitsuliorlutik aallartiaalersut
Immaqa siunissami illoqarfimmi illorsuit ilaanni eqqumiitsulianik takusaqartalissaatit. Maani eqqumiitsuliortut graffitikultur-MasterClass illorsuit igaanni eqqumiitsuliorneq ingerlatarisimavaat,...
Kommunit tamarmik isumaqatigiipput: Ulloq atualeqqaarfik maleruaqqusaqassaaq
Aasaanerani atuanngiffeqareernerup kingorna aggustip qaammataata qiteqqunnerani kommunini tamani pissusissamisut atuartut isaanissaannut sianeq sianertinneqassaaq. Taamaakkaluartoq ulloq...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER