Skip to main content

Siumut Nuuk nutaamik siulittaasortaartoq

Inga Dora G. Markussen Siumut Nuummi siulittaasunngorpoq, Aki-Mathilda Høegh-Dam siulittaasumut tullersortinngortoq.

Siumut Nuuk sapaatiummat ataatsimeersuarsimavoq, tassanilu siulersuisut nutaat toqqarneqarlutik, taakku 2021-mi kommunimut qinersinissap tungaanut partiimik aqutsisuussaapput.

48-nik ukiulik Inga Dora G. Markussen politikkerinngoqqilluni, Ilatsiaq Markussenilu siulittaasunngorniukkamik siulittaasussatut nutaatut toqqagaavoq.

Inga Dora G. Markussen tapersersorneqarluarluni 31-nik taaguunneqarsimavoq, Ilatsiaq Markussen tallimanik taaguunneqarsimasoq.

Inga Dora G. Markussen Nuuk Kommuniusimassumi 1997-imiit 2001-imut kommunalbestyrelsimut ilaasortaasimavoq.

Ineriartornermut akisussaaqataarusuttoq

Siulittaasutut Doris J. Jensen taarserpaa, politikkumullu uternermini ineriartornermut akisussaaqataarusunnini tunngavilersuutigalagulu:

- Inuunertik naallugu sulisimasut pitsaasumik atugassaqartinneqassapput. Aamma iliuuseqaarnissamut periarfissaqartitsisoqassaaq, inuit ataasiakkaat inuunerminni ingerlaqqinnissamut periarfissaqartilerlugit. Kikkut tamarmik naleqartumik inuuneqarnissamut pisinnaatitaaffeqarpt, Inga Dora G. Markussen oqarpoq.

Siulittaasup tullissaanik taasisitsisoqarmat aamma unammilaavissortoqarpoq. tassani Siumut sinnerlugu folketingingimut ilaasortaq Aki-Mathilda Høegh-Dam, Niels Boassen aamma Ilatsiaq Markussen sassarput.

Unammilaavissortoqarpoq, Aki-Mathilda Høegh-Dam 16-inik taaguunneqarsimasoq Niels Boassen 15-inik taaguunneqarsimavoq. Ilatsiaq Markussen tallimanik taaguunneqarsimavoq pingasullu taaseqataasimanatik.

Aasaanerani atuanngiffeqarnerup nalaani aaqqissuussinerit: Pattagissami klaverimi imaluunniit mixerpultimi nipimik nuannersuliorneq ilinniaruk
Aasaannaqaaq, taamaattumillu sunngiffeqarnissamut piffissaqarnerulissallutit. Taavami sulerissavit? Kommuneqarfik Sermersooq tamanut assigiinngitsorpassuarnik aaqqissuussisussaavoq. Allaaserisami...
Aasaanerani atuanngiffeqarnerup nalaani aaqqissuussinerit: Nuup aqquserngini telefoni atorlugu misigisassarsiorit imaluunniit angallassisulerlutit qaqqanut pisuttuarit
Aasaannaqaaq, taamaattumillu sunngiffeqarnissamut piffissaqarnerulissallutit. Taavami sulerissavit? Kommuneqarfik Sermersooq assigiinngitsorpassuarnik aaqqissuussisussaavoq. Una allaaserisaq ilinnut...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER