Aleqap atornerluinera
Siumut Nuuk Aleqap siulittaasuuneranut apeqqusiinissamut piareeqqasut
Naalakkersuisut siulittaasuata nunatta karsianit aningaasanik imminerminut atuisimanera sakkortuumik avoqqaaraa. Inatsisinik unioqqutitsisoqarsimappat siulittaasoq apeqqusernartoqartissavaat
- Unioqqutitsisoqarsimassappat iliuuserineqartoq illersorneqarsinnaanavianngilaq. Unioqqutitsisoqarsimappat Aleqa Hammondip siulittaasuunera apeqquserneqassaaq.
Siumut Nuummi siulittaasoq Mette Rasmussen Larsen tusagassiutinut nalunaaruteqarpoq.
Aningaasat ilaatigut atorneqarsimapput siorna ernissaata apersortinnerani Hans Egedep Illuani taassuma nalliuttorsiutigineqarneranut.Saniatigut landskarsip aningaasaatai atorneqartarsimapput ilaqutariit angalanerannut, akunnittarfimmiinnerannut minibarimillu atuinermut ilaalu ilanngullugit. Akiligassat katillugit 106.363.27 koruuniupput, tamanna Siumut Nuummit isornartorsiorneqaepoq.
Pisoq allaffissornikkut suleriutsip allanngortittariaqarnera allanngortittariaqartoq Siumut Nuummit oqaatigineqarpoq.
- Suliat paamaarunneqarsimasut ersarippoq, tassami tusarliunneqartutuut pisoq siornali aallartissimavoq. Kukkuluttornerillu aaqqinniarneri sivisuallaamik ingerlasimalutik. Suleriutsip taamaattup takutiinnarpaa allaffissornikkut periutsit ullumikkut atuuttut allanngortittariaqarnerinik, Siumut Nuummit oqaatigineqarpoq.
Inatsisaatsuliorneq akuerineqarsinnaanngitsoq
Aleqa Hammondip nunatta karsianit aningaasanik atuisimanera Siumut Nuummit akuersaarneqarsinnaanngitsoq oqaatigineqarpoq.
- Siumut Nuuk isumaqarpoq Naalakkersuinut ilaasortat kikkuugaluilluunniit nunatta karsia 'siumoorfigalugulusooq' atorneqartarnera akuersaaneqarsinnaanngilluinnartoq
- Naalakkersuisunut siulitaasoq inatsinik unioqqutitsisimappat soorunami tamanna illersorneqarsinnaanngilaq, tamannalu pisimassappat Siumut siulittaasutut ingerlaannarnissaa apeqqusertariaqarpoq, Siumut Nuummi siulittaasoq Mette Rasmussen Larsen tusagassiutinut nalunaarummi oqarpoq.