Skip to main content

Siumut nutaamik allatsitaartoq

59-inik ukiulik OleAggo Markussen nunami illuatungiliuttut partiivisa annersaanni Siumumi allatsitut atorfinitsinneqarsimavoq. Partiimi allatsinngortup partiip siulittaasuata tulliata aappaa Inga-Dora G. Markussen nuliaraa.

Siumup siulersuisuuneri 2021-mi juulip aqqaneq-aappaani ataatsimiinnerminni aalajangerput, Ole Aggo Markussen partiip allattaatut atorfinitsinneqassasoq.

- Siulersuisuunerit kissaatigisimavaat atorfik eqqissilluni inuttassarsiuunneqassasoq, taamaattumillu aatsaat maajimi suliaq taanna aallartinneqarsimavoq. Aqutsisut kissaatigisimavaat kommuninut Inatsisartunullu aammalu nunaqarfinnut aqutsisunut ilagiillu sinnaasaannut qinersinerit isumannaaqqaarneqassasut. Partiimi siunnersorti Jenseeraq Poulsen utaqqiisaa allatsitut atorfeqarallarsimavoq, siulersuisuunerillu tamanna qujamasuutigaat, Siumup siulittaasua, Erik Jensen oqarpoq.

Partiimit erseqqissaassutigineqarpoq, atorfinitsitsiniarnermi qanippallaartumik inissisimasoqarsinnaanera eqqumaffigineqarsimasoq, taamaattumillu siulittaasup tulliata aappaa, Inga Doŕa G. Markussen, sulinermi peqataasimanngitsoq. 

Misilittagaqarluartoq

Siumumi siulittaasup Erik Jensenip oqaluttuaraa, atorfiup inuttassarsiuunneqarnera soqutigineqarluarsimasoq. Soorlu Ole Aggo Markussen toqqarneqarsimaneranut siulittaasoq imatut tunngavilersuivoq:

- Taassuma suliffeqarfiit assigiinngitsut pisortat aamma namminersortut ingerlataat
misilittagaqarfigilluarpai, ilinniarsimanermigullu IT-mut, paasissutissiisarnermut aqutsinermullu piginnaaneqarluarpoq. Politikkikkut sulinermut qaammaasaqarluarpoq, tassami siusinnerusukkut politikkimut nammineq ilaasarsimavoq.

Ole Aggo Markussen ilaatigut Siumup Inuusuttunut Suleqatigiiffiani siulittaasuusimavoq, aamma Namminersorneq pillugu Isumalioqatigiissitami 2002-mi isumaliutissiissutiminnik tunniussisumi ilaasortaasimavoq.

- Politikkip iluani suleriaatsinut ilisimasaqarluarpoq, aamma anguniakkanik tulleriiaarisinnaassuseqarlunilu paasissutissiisarnermik sungiussilluarsimavoq. Tamakku tamarmik partiip aaqqissuuneqarsimaneranut nukittorsaataassapput, minnerunngitsumik politikkikkut siunertat paasissutissiissutigisarneranut oqilisaaseqataassallutik.
Suleqatigiinnissatsinnut qilanaarpugut, Erik Jensen naggasiivoq.

Ole Aggo Markussen tusagassiortunngorniartuusimavoq, Arctic Prime Fisheriesimi ataqatigiissaarisuusimavoq 2013-imilu Siumut sinnerlugut Inatsisartunut qinigassanngortissimalluni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER