Siumut Kommuneqarfik Sermersuumi mattussaaqqasoq
IA, Demokraatit Nalerarlu inissititerneqarpata politikkikkullu atuuffiit pilerigineqartaqisut agguaanneqarpata, Siumut mattussaalluni sunniuteqarnavianngilaq.
Kisitseriaaseq naapertorlugu partiini qinigaasut atuuffissanut agguaanneqarpata, Siumumi ilaasortat ataatsimiititani assigiinngitsuni inissat taamaallaat arfinillit pissarsiarisinnaavaat: ataatsimiititani sisamani inissaq ataaseq aningaasaqarnermullu ataatsimiititami inissat marluk.
Siumut arfinilinnik isertitaqarnermigut, ilaasortaatitami ilaannik borgmesterip tullersortaatut imaluunniit borgmesterip tullersortaata aappaatut inissittoqarnissaanik naatsorsuuteqarsinnaanngilaq. Aamma ataatsimiititani sisamaasuni siulittaasuutitaqarsinnaanngilaq, D'Hondtske malillugu agguaariaaseq naapertorlugu Sermitsiaq.AG-p naatsorsuisimanerata tamanna takutippaa.
Isumaqatigiinngissutaasimasoq
Siumup najukkami siulittaasuata Inga Dora Markussenip aamma IA sinnerlugu borgmesteriusp Charlotte Ludvigsenip qineqqusaarnermi ineqarnermut tunngatillugu suliaq assortuussutigisimavaat, tassani kommuni najukkami sanasunik isumaqatigiissuteqarluni ukiuni arlalinni attartortitsisarnerminik unitsitsequneqarsimavoq.
Naalakkersuisuni pissaanermik tigumminninnerup nikinneratigut, tassa IA pissaanermik tigusimmat pissanngatigineqarpoq, ineqarneq pillugu suliaq politikkikkut qanoq iliuuseqarfigineqassanersoq.
Sermitsiaq.AG-p aningaasaqarnermut nunamullu namminermut naalakkersuisunngortussaq Asii Chemnitz Narup aperisimavaa, peqqussummik atorunnaarsitsinissamut piareeqqanersoq aamma Kommuneqarfik Sermersooq suliamik siorna unitsinneqartumik suliaqaqqilersinniarneraa. Peqqussutip malitsigisaanik ilaatigut Danmarkimi soraarnerussutisiaqarnissamut aningaasaateqarfiit, Kalaallit Nunaanni ineqarnermut politikki pillugu qulartoqarlernera pissutigalugu aningaasaliiissuteqarnissamut tunuarsimaalersimapput.
Asii Chemnitz Narupilli nunap aningaasaqarnera misissorsimatinnagu politikkikkut tigussaasumik suliaqartoqassanersoq maannakkorpiaq oqaatigerusunngilaa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...