Skip to main content

Siumut inuusuttai: Kim siulittaasutut ingerlaqqinnissaanut tapersersorparput

Siumut juulimi ataatsimeersualerpat, Kim Kielsen siulittaasutut sassaqqinnissaminut, qinigaaqqinnissaminullu Siumut Inuusuttaanit tapersersorneqarpoq.

Kim Kielsen Siumumi siulittaasutut pitsaasumik angusaqarpoq. Siumut Inuusuttai taama isumaqarput, Kim Kielsenilu partiimi siulittaasutut ingerlaqqinnissaanut innersuullugu.

Partiip inuusuttaasa tusagassiuutinut nalunaarutiminni ilisimatitsissutigaat, Kim Kielsen siuttutut angusaqarluarsimasoq.

- Matumuuna Siumup siulittaasua Kim Kielsen Siumup aasaru ataatsimeersuarnissaanut siulittaasutut ingerlaqqinniarluni sassarnissaanut innersuupparput, Siumut Inuusuttaanni siulittaasoq, Inuk Kielsen Fleischer allappoq.

  • Inuusuttaasut oqaluttuaraat Kim Kielsenip siulittaasutut inuusuttut tapersersortarai.
  • Inatsisartunut qinersinermi 2014-imi sassartitsineq, inuusuttunik saqqumilaartitsineq. Inuusuttumik qinigaatitaqarneq.
  • Kommunalbestyrelsinut qinersinermi 2017-imi sinerissami inuusuttorpassuit sassarput.​​​​​​​
  • Inatsisartunut qinersinermi 2018-imi inuusuttut qulit qineqqusaarput
  • Folketingimut qinersinermi inuusuttuinnangajannik qinigassanngortitsineq. Inuusunnerpaallu qinigaanera.​​​​​​​

- Taamaattumik Siumup ukiuni makkunani kinguaariit tulliisa tigusiartuaarnerannut Siuttuusoq suli ingerlaqqittariaqartutut isigaarput. Pingaartumik Kim Kielsenip siuttunngoqqaanerani qinersisartut agguaqatigiissillugu utoqqaagaluartut maanna inuusuttortalerujussuanngornikuummata, Inuk Kielsen Fleischer tunngavilersuutimini ilaatigut allappoq.

Peqataatitsisoq

Inuk Kielsen Fleischer isumaqarpoq Kim Kielsenip ilisarnaatigigaa peqataatitsineq, ataatsimoorlunilu angusat oqaluttuarisarai.

- Kim Kielsenip pingaartilluinnagaasa ilagaat inuit peqataatinnissaat, taamaattumik siuliani taaneqartutuut nammineq angusimasalikkersaarnani Siumup angusimasaatut imalunniit Naalakkersuisooqatigiit angusimasaattut oqaluttuariuartarpai, Inuk Kielsen Fleischer oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER