Skip to main content

Siumut Inuusuttaasa IA ikiaroornartumi akiuiniarnermi oqallinnermi isumaqatigigaa

Inuit Ataqatigiit Nuummi ikiaroornartumik ajornartorsiut akiorniarlugu oqallinneq aallarneqqammerpaa. Maanna Siumumit taperserneqarput

Siumut Inuusuttaani (SIS) siulittaasup, Piitannguaq Møllerip, nuannaarutigaa Inuit Ataqatigiit Nuummi ikiaroornartoq akiarniarlugu oqallinnermik aallartitsisimammata. Piitannguaq Møllerip IAp kiisalu  innuttaasut Nuummeersut isumaqatigai, oqariartuutigimmassuk ikiaroornartumik atornerluineq ersiinnartumillu tuniniaaneq akuersaaginnarneqarnera allanngortikkusullugu.

– Inuit Ataqatigiit ikiaroornartup akiorniarnissaanut oqallitsitsinerannut taperseerusuppugut, kaammattuutigalutingulu ajornartorsiut tamanna annertoqimmat suleqatigiissutigissagipput, SISip siulittaasua taama tusagassiutinut nalunaaruteqarpoq. 
Piitannguaq Møller isumaqarpoq ikiaroornartumik atornerluineq ataatsimoorussamik akiorneqartariaqartoq. 

– Ikiaroornartumik akiuiniarneq nukinnik atuiffiuvoq, aningaasortuutaallunilu. Taamaammat isumaqarpunga suleqatigissitamik pilersitsisoqartariaqarpoq, ajornartorsiut anigussagutsigu, Piitannguaq Møller oqarpoq. 

Nunaqarfinni ikiaroornartoq ajornartorsiutaasoq
Ikiaroornartumik atornerluineq kiisalu tuniniaaneq illoqarfinni annerni ersareqaaq. Tamanna Nuummi malunnarpoq ikiaroornartumik tunimiaaneq illoqarfiup qeqqani ersiinnartumi pisarmat. SISip siulittaasuata oqaatigaa ikiaroornartoq illoqarfinniinnaq ajornatorsiutaanngitsoq, aammali nunaqarfinni. 

– Ikiaroornartumik akuersaaginnarneq akiueqataaffigerusupparput. Illoqarfinniinnaq ajornartorsiutaanngilaq aammali nunaqarfinni. Ajornartorsiup taama angitsigisoq akiorniassagutsigut suleqatigiinnissaq pingaaruteqarpoq, Piitannguaq Møller Sermitsiaq.ag-mut oqarpoq. 

Piitannguaq Møllerip kissaatigaa ikiarootnartoq akiorniarlugu nuna tamakkerlugu oqallittoqarnissaa. Kaammattuutigalugulu politikkikkut suliallik kiisalu kattuffiit, IA-kkutulli oqallinnermik aallartisaanissaat.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER