Skip to main content

Siumut Ilulissani nuna tamakkerlugu ataatsimeersuassaaq

Siumut nuna tamakkerlugu ataatsimeersuarnissaa qaqugu pissanersoq assigiinngitsutigut tusarfigereerlugu, septemberip sisamaaniit arfernanut Ilulissani ingerlanneqassasoq nalunaarutigineqarpoq. Partii pingasunngornermi tusagassiorfinnut nalunaaruteqarnermi ilisimatitsivoq.

Siumut juulip arfineq-pingajuaniit qulinganut nuna tamakkerlugu ataatsimeersuarnissaralua, Covid-19 pissutigalugu taamaatiinnarneqarsimavoq. Paarlaallugu juulip qulingani digitalikkut ataatsimiinnissaq pilersaarusiorneqarsimalluni.

Siumulli najukkani peqatigiiffii arlallit piumasarisimavaat, partiip siulersuisuunerisa nuna tamakkerlugu ataatsimeersuarnissaq kingusinnerusumut kinguartissagaat, aallartitat ataasimoorlutik ataatsimiinniassammata.

Najukkani peqatigiiffiit oqaloqatigineqarluartut

Siumut aaqqissuussaanikkut siulittaasuata tullia Evelyn Frederiksen oqarpoq:

- Siumup immikkoortortaqarfiisa Siumullu siulersuisuuneri akunnerminni ajunngitsumik
oqaloqatigiissutigereerlugu, maanna kissaatigineqalersoq Nuna tamakkerlugu ataatsimeersuarnissaq septemberimut kinguatinissaa Siumup Siulersuisuunerisa akuersaarpaat.

Digitalikkut nuna tamakkerlugu ataatsimeersuarnissamut isorineqartut ilagaat, partiip ukiuni aggersuni politikkissaata aappaagu aasarnissaanut kinguartinneqarsimanera, aamma juulimi nuna tamakkerlugu ataatsimeersuartoqarnerani taamaallaat partiip siulittaasussanik qinersinissaq siulersuisussanillu qinersinissaq isorineqarsimavoq. illuatungeriilli allatut aaqqiissutissamik maanna isumaqatigiissuteqarsimapput.

- Ataatsimiinnermi najuulluni ataatsimiittarfimmilu peqataalluni ajunnginnerpaavoq oqallinneq uummaarinnerusoq ingerlanneqarsinnaammat, partiip siunissami anguniagai aalajangersorneqalerpata aammalu siulersuisuunernut qinersisoqalerpat, aaqissuussaanikkut siulittaasup tullia Evelyn Frederiksen tusagassiorfinnut nalunaaruteqarnermi oqarpoq.

Partiimit corona malinnaaffigineqartoq

Maanna pissutsit aallaavigalugit ataatsimeersuarnissaq aalajangiunneqarnikuuvoq mianersortumik tunngaveqarluni, maannalu pisut aallaavigalugit annikikkaluartumik isumalluarnerulerpugut, taamaalilluta pisarnerput malillugu ukioq manna kingusinnerulaartukkut ataatsimeersuarsinnaanngorpugut.

- Kissaatigilluinnaratsigu sapinngisatsinnik immikkoortortaqarfinniit aallartitat ilaasortallu
ataatsimeersuarnermi najuullutik peqataassasut, tamannalu aasaq manna peqqinnikkut tunngaveqartumik illersorneqarsinnaanngilaq nualluussuaq Covid-19-i eqqarsaatigalugu, Evelyn Frederiksen oqarpoq.

Nuallussuup ingerlaasia susoqarneralu soorunami Partiimiit malinnaaffigeqqissaarparput aammalu pisortat innersuussutaat malilluinnarlutigit, soorunalumi aamma Covid-19-ip ingerlatillugu innersuussutit malilluinnaqqissaarumaarpagut, partiimit ilisimatitsissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER