Skip to main content

Siumut gruppia: Meerartaarsinnaanngitsut ikkussiffigitittarnissaat akilersinnaasariaqarparput

Meerartaarsinnaanngitsut Danmarkimi mannimmik ikkussiffigitittarnerannut neqeroorutip Naalakkersuinikkut aalajangertoqarneranit unitsinneqarnera, Siumut Inatsisartuni gruppiata isumaqatiginngilaa.

Naartuersinnerit ukiumut 800-sut akilertarutsigit, taava sooq aappariit meerartaarusuttut ukiumut 40-t missaanniittut Danmarkimi mannimmik ikkussiffigitillutik naartulersinnaanissaannut akiliisassanngilagut?

LÆS OGSÅ: Meerartaarsinnaanngitsut ikiorserneqarnissamut periarfissaat annikillissapput

Siumut Inatsisartuni gruppiata tamanna apeqquserpaa.

- Siunissami utoqqaat amerlanerulertussaapput inuusunnerillu ikinnerussallutik. Inuiaqatigiit amerlanerit meerartaarnissaat kissaatigigutsigu, taava aamma meerartaarsinnaanngitsut Danmarkimi ikkussiffigitittarnissaannut periarfissiisariaqarpugut, Siumut politikkikkut oqaaseqartartua, Karl-Kristian Kruse Sermitsiaq.AG-mut oqarpoq.

Naapertuunnerunngilaq

Taanna isumaqarpoq Naalakkersuinikkut aalajangernerup kinguneranik aappariit meerartaarsinnaanngitsut naapertuunnerunngitsumik nalaataqartinneqartut.

LÆS OGSÅ: Meerartaarsinnaanngitsut akerliussutsimik takutitserusuttut

- Ullutsinni tamanna naapertuutinngilaq. Nalinginnaasoq atorlugu meerartaarsinnaanngitsut periarfissaqartariaqarput ikkussiffigitillutik naartulersinnaanerminnik. Nunatsinni ikiorneqarsinnaanngippata, Danmarkimut ikkussiffigikkiartornissamut periarfissaqartinneqalerpata, tamanna naapertuunnerussaaq, oqarpoq.

Taassuma assersuutigaa nunatsinni arnat pisinnaatitaaffitsit atorlugu naartuersissinnaanerat.

- Ukiut tamarluinnaasa 800-t sinnerlugit naartuersittarput. Meeqqat 800-t pinngortussaagaluit maangaannaq eqqarneqarput. Inuiaqatigiinnut tamanna aamma akeqarpoq. Taannaluunniit eqqarsaatigalugu, meerartaarusuttut aamma akiliunneqarsinnaasariaqarput, Karl-Kristian Kruse oqarpoq.

Aalajangiineq allanngortittariaqarpoq

Siumut Inatsisartuni gruppia isumaqarpoq naalakkersuinikkut aalajangerneq, qassiiliutigineqanngikkaluarluni allanngortinneqarsinnaasoq, meerartaarsinnaanngitsut iluaqusertussanngorlugit. Taamaammat Siumut gruppiata Naalakkersuisut kaammattorpai aalajangerneq utertinneqassasoq, atuutsinneqarsimasoq siulleq atulersinneqarluni. Meerartaarsinnaanngitsut Danmarkimi ikkussiffigitinnissamut innersuunneqartut angalanertik najugaqarnertillu namminneq akilertarsimagaluarpaat, peqqinnissaqarfiullu ikkussiffigitinnissaq akilertarlugu.

- Siunissaq qaninnerusoq isigalugu atuutereersunut utertariaqarpugut. Meerartaarsinnaanngitsulli siunissami assigiimmik periarfissaqartikkumallugit, meerartaarsinnaanngitsut tamaasa Danmarkimut ikkussiffigitikkiartornissaannut Namminersorlutik Oqartussat aningaasartuuteqartalertariaqarput, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER