Siumut borgmesteriusimasumik qinigassanngortitsivoq
Ullumi Siumut 24. aprilimi qinersinissamut qinigassanngortittut saqqummiuppai, borgmesteriusimasulli arlallit qinigassanngorteqataapput
Ole Dorphip Qaasuitsup Kommunianninngaanneersup politikkimik suliaqaqqinnissaa pillugu pissagassutigineqarsimavoq.
Taassuma Sermitsiaq.AG-mut oqaatigisimavaa, politikkimik suliaqarunnaarsimanani suli maqaasilersimanagu, illuatungaanili Nunatsinni aalajangiiffigisassat annertuut peqataaffiginissaat soqutigisinnaallugu oqaatigisimallugu.
Qinigassanngortittut 57-it
Qinigassanngortittuni 57-ini taanna kingulliulluni allassimavoq, taakkunannga arnat 13-iupput.
Borgmesteriusimasuni qinigassanngorteqataasut allat taaneqarsinnaasut tassaapput,
Hermann Berthelsen Qeqqata Kommunianiit,
Simon Simonsen Kommune Kujallermiit aammalu
Jess Svane Qaasuitsup Kommunianiit.
Maqitsivimmi- nerisassaarniarfinnilu pisortaq Nicolai Nissen, Heca, ukioq kingulleq kommunalbestyrelsimut qinersisoqarnerani qinerneqarluarsimanngikkaluarluni qinigassanngorteqataavoq.
Sexologi
Sexologi Ulrikka Holm siornatigut qinigassanngorteqataasimanngitsoq maanna qinigassanngortittut akornanniippoq, partiillu inuusuttaani siulittaasoq Steve Sandgreen aamma qinigassanngortippoq.
Suka K. Frederiksen pingasunngormat Siumut qineqqusaarutissaminik aqqummiilluni tusagassiortunik katersortitsinera peqataaffigingaluarlugu, qinigassanngortittut akornanniinngilaq.