isumaqatigiinniarnerit
Siumut, Atassut aamma Demokraatit naalakkersuisunngortitsipput
Naalakkersuisooqatigiinnissamik isumaqatigiittut katillugit 17-nik Inatsisartuni ilaasortaatitaqarput, illuatungiliuttut 14-nik ilaasortaatitallit
Siumut, Atassut aamma Demokraatit.
Tassaapput taakku naalakkersuisooqatigiilertussat.
Naalakkersuisooqatigiinnissamut isumaqatigiissut aamma partiit allattoqarfianni takuneqarsinnaavoq
Inatsisartunut qinersinermi Siumut aqqanilinnik isertitaqarpoq, Demokraatit sisamat kiisalu Atassut marluk. Naalakkersuisooqatigiilersut katillutik 17-nik Inatsisartuni ilaasortaatitaqassapput, illuatungiliuttut 14-it.
Siumut aamma Inuit Ataqatigiit Inatsisartunut qinersinermi aqqanilinnik isertitaqaraluarput, kisianni Siumup amerlanerusunit taaneqarnera pissutaalluni naalakkersuisooqatigiinnissamut isumaqatigiinninniarnerni ingerlatsisuupput.
Naalakkersuisooqatigiinnissamik isumaqatigiissut Siumumit, Demokraatinit Atassummiillu nalunaaqutaq 15.55 atsioqatigiissutigaat.
Taakku pingasuullutik ataatsimeeqatigiinnerminni ataatsimeeqatigiinnerup naammassinerani ersaataatseqatigiippalupput.
Siumut, Atassut aamma Demokraatit suni naalakkersuisuutitaqarumaarnissaat pillugu ulluni qaninnerni saqqummiunneqarumaarpoq.
Siumumit Lars-Emil Johansenip oqaatigaa Inatsisartuni decembarip aqqaneq aappaanni ataatsimiittoqarnissaa naatsorsuutigineqassasoq.