Naturkatastrofe

Siumut allakkamik misiginneqataassummik nassiussivoq

Siumup siulittaasua Kim Kielsen aamma gruppimi siulittaasoq Jens Immanuelsen ajunaarnersuarmut eqqugaasunut misiginneqataassummik allakkamik nassiussipput

Kim Kielsen, hvid anorak
Nunaqarfimmi Nuugaatsiami ajunaarnersuaqarneranut atatillugu Siumut allakkamik misiginneqataassummik nassiussivoq

Nunaqarfimmi Nuugaatsiami ajunaarnersuaqarneranut atatillugu Siumut allakkamik misiginneqataassummik nassiussivoq.

'Arfininngorneq 17. Juni 2017 unnukkut nunaqarfinnguaq Nuugaatsiaq innuttaasullu pakasarluinnarlugit malissuup ulissimavai ajunaarnersuarmik taasariaqartumik. Nunaqarfimmiut ilaqutannguaminnik annaasaqarput arlalippassuillu angerlarsimaffeerullutik pigisaarullutik. Taamannak nunatsinni inoqarfiit eqqugaasarnerat misigikkajunngilarput pinngortitarsuarli imaannaanngitsoq najugaqarfigigatsigu qanorluunniit pisoqarsinnaasarnera maniguuffigalugu anigorsinnaasarparput.

Eqqaamaqaavut ilaqutariit asasaminnik annaasaqartut, eqqaamaqaavut ikinngutivut suleqativut annaasavut ulluinnarni inuunitsinni nuannersuni nuanniitsunilu avitseqatigisartakkavut.

Ajunaarnersuarmi eqqugaasunut annaasaqartunut tamanut ikiuussinnaasugut tamatta ikiuutissaagut, kalaallit Nunaat tamarmi ikiuutissaaq. Maannakkumullu namminneq piumassutiminnik ikiuuttorpassuit, pisortaniillu tunniusimallutik suleqataasorpassuit tamaasa qujassutissaqarfigaavut.

Qanortoq eqqugaasut tamaasa guutip nakussatsikkiligit.'

Siumup siulittaasua Kim Kielsen aamma gruppimi siulittaasoq Jens Immanuelsen taama allapput.

Powered by Labrador CMS