Skip to main content

Siumut aamma Partii Naleraq Ilulissani qinersisuusaarnermi ajugaapput

Sinerissamut qanittumi aalisartut piniartullu kattuffiat SQAPK tallimanngormat Ilulissani qineqqusaartitsivoq qinersisuusaartitsinertalimmik

Tallimanngormat novembarip 7-anni Ilulissani kulturip illorsuani Sermermiuni eqeersimaartumik qinersisartunik ataatsimiititsinerup kingorna qinersisuusaartitsinermi Siumut ajugaavoq, taamatut tusagassiorfinnut nalunaarutikkut paasissutissiivoq sinerissamut qanittumi aalisartut piniartullu kattuffiat SQAPK.

Qineqqusaarnermi sammineqarsimapput inuussutissarsiorneq aalisarnerlu, tamatumanilu politikerit pingaartilluinnarlugu oqaatigaat aalisarneq Kalaallit Nunaanni inuussutissarsiutit pingaarnersarigaat tunngavissatullu pingaarnersarigaat. Partiit mikisut oqaatsit sakkortuut atorlugit partiit angisuut Siumup IA-llu ukiuni kingullerni pingaartumik aalisarnermik aqutsisimanerat isornartorsiorpaat.

Siumut aamma Partii Naleraq ajugaapput

Qinersisartunik ataatsimiititsinermi 110-t peqataapput, kingornalu qinersisuusaarnermi 71-it peqataapput. Siumut aamma Partii Naleraq taasisut affai sinnerujussuarlugit pissarsiaraat. Siumut 33-nik Partii Nalerarlu 21-nik taaneqarput. IA 9-nik, Atassut aamma Partii Inuit tamarmik pingasunik Demokraatillu marlunnik taaneqarput.

SQAPK-p qinersisartunik ataatsimiititsinerani qinigassanngortittut 15-it peqataapput.

Siumumit Ane Marie Kreutzmann, Bernhardt Olsen, Nick Nielsen aamma Kristian Jeremiassen.

IA-mit Amasa Petersen, Hans Aronsen, Najanguaq Nikolajsen.

Partii Naleqqamit Anthon Lindenhann aamma Anthon Frederiksen.

Atassummit Edvard Geisler, Aqqalu Jeremiassen aamma Kunuk Fleischer.

Partii Inunnit Piitannguaq Alaufesen aamma Joel Petersen.

Demokraatinit ataaseq peqataavoq, tassalu Klara Jakobsen.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER