Kommuunimut qineqqusaarneq

Siumup qinigigassanngortitaa: Sermersooq Kanukokamut ilaasortanngoqqissaaq

Kommuneqarfik Sermersooq kommunit kattuffiannut utertariaqarpoq, Ane Egede Mathæussen (S) oqarpoq.

Kommuneqarfik Sermersooq Kanukokamut ilaasortanngoqqissaaq, Ane Egede Mathæussen (S) isumaqarpoq.

Januaarip aallaqqaataat 2016 aallarnerfigalugu Kommuneqarfik Sermersooq kommunit kattuffiannit ilaasortaajunnaarpoq.

Kommunilu kattuffimmut uteqqittariaqartoq, Ane Egede Mathæussen isumaqarpoq. Ane Kommuneqarfik Sermersuumi Siumup kommunalbestyrelsemi gruppemi siulittaasuuvoq maannalu qinigassanngorteqataasunut ilaalluni.

Atuaruk: Sermersooq Kanukokami ilaasortaajunnaarpoq

Kalaallit Nunaanni ataatsimoorfik

- Suleqatigiinneq inuiaqatigiinnut tamanut iluaqutaasarpoq. Assigiinngissuserlu kattuffimmi suliarineqaruni pitsaanerpaassalluni, tusagassiuutinut nalunaarummini oqarpoq.

Atuaruk: Kanukokap Sermersooq qinnuigaa: Kalaallit Nunaanni ataatsimooqatigiinnermit aninak

Nuuk Kalaallit Nunaanni katersuuffiunissaa erseqqissaassutigaa.

- Taamaammat kommuni ataatsimoorfimmi peqataaqqilissaaq, Kanukokamut ilaasortanngoqqissaagut, Ane Egede Mathæussen oqarpoq.

Atuaruk: Sermersooq Kanukokamut: Qujanaq isumassuinissinnut - uagut sapinngilagut

Powered by Labrador CMS