isorliunerusut

Siumup nuutsitsinissamik siunnersuut taperserpaa

Akisussaaffiit nuunneqartussat sukkanerusumik sulissutigineqartariaqarput, gruppimi siulittaasoq Jens Immanuelsen naqissusiivoq

Jens Immanuelsen talerpilleq, borgmesterit Siumumeersut siunnersuutaannut tapersiivoq. Nuutsitinissamik siunnersuutip tusagassiortunik katersuutsitsinermi saqqummiunneqarneranit assi

Siumup politikkikkut oqaaseqartartua, Jens-Erik Kirkegaard tunuarsimaarnerartoq, Siumup Inatsisartuni gruppianni siulittaasup Jens Immanuelsenip, borgmesterit pingasut nuutsitsinissamik siunnersuutaat tamakkiisumik taperserpaa.

Kirkegaard: Nalunaarusiaq amigarpoq

Atorfiit 600-t
Ole Dorphip, Hermann Berthelsenip aamma Jørgen Wæver Johansenip marlunngormat nalunaarusiartik 'Naligiinnerusumik Siunissaqarusuppugut' saqqummiuppaat. Tassani siunnersuutigaat, pisortani atorfiit 600-t Nuummit sinerissamut nuussorneqassasut.

Siunnersuut atuaruk: Nuummi suliffiit 600-t ukununnga nuussapput

Sukkanerusumik
Jens Immanuelsenip tikkuartorpaa, pisortani suliat nuunneqarnissaat sukkanerusumik aaqqissuunneqartariaqalertoq, suliat Nuummiinnaq pinnginniassammata. Inatsisartut kommunit aaqqissuuteqqinneqarnerannik suliaqarnikuupput, tamannali suliat amerlasuut nuunneqarnerannik isumaqanngilaq.

Atuaruk: Borgmesterit pisortani suliffiit sinerissamut nuutsikkusuppaat

Naligiiffiunerusoq
- Kommunit pingasuusut tunngavissaalluartumik naligiimmik siunissaqarusunnermik borgmesterit saqqummiussaat tunngaviatigut Siumup inatsisartuni saqqummiuttagaanut anguniagaanullu naapertuummata Naalakkersuisut kaammattussavagut peqataaqqullugit.

Gruppimi siulittaasup tassunga atatillugu tikkuarpaa, Nunatsinni naligiinngissuseq atuuttoq annermik kommunit akileraarutinik aalajagiisinnaaneranniittoq ilanngulluni eqqartorneqartariaqartoq isumaqarlutik.

Akileraarut appasinnerpaaq
- Sullissiviimmi nunamut tamarmut eqiterunneqarfianni akileraarutitigut nunap sinneranut sullissisuusut akileraarutikinnerutinneqarnerat ilanngulluni nalilersuinermi ilaasariaqartoq Siumumi isumaqaratta, naligiinneq siunertaassappat annertuumik naligiigissuseq akileraarummi kommunit aalajagiisinnaassusianniimmat naligiigissuseq, Jens Immanuelsen erseqqissaavoq.

Aamma atuakkit:

Nuutsitsinissamut pilersaarutip akia suli misissorneqanngitsoq

Nuummit nuutsiterinissamut Demokraatit akerliusut

Borgmesterit nalunaarusiaat uani atuaruk

Suliffiit sinerissamut nuutsinneqartariaqarpat - Qanoq isumaqarpit?

Borgmesterit pisortani suliffiit sinerissamut nuutsikkusuppaat

Powered by Labrador CMS