Skip to main content

Siumup Minik Høegh-Dam anisippaa

Angutit qatanngutigiit Høegh-Damikkut aappaa Siumup anisippaa, Qarsoq Høegh-Damilu pillugu aalajangerneq Inatsisartut qinigaasinnaanermut ataatsimiititaliaanut aalajangiinissamut tunniullugu.

Qarsoq Høegh-Dam hashimik tigumiaqarnermut tunngasumik pineqaatissinneqarsimasoq, sapaatip-akunnerata siuliani Sermitsiaq.AG-p saqqummiuppaa. Qatanngutaa Minik Høegh-Dam aanngajaarniutinut tunngasumik suliamik ingerlatsiffigineqarpoq, eqqartuussisoqarfimmi marsip 25-anni pinngitsuutinneqarnermi kingorna suliaq Nunatta Eqqartuussisuuneqarfianut suliassanngortinneqarnikuummat. Taakkartorneqartoq kingulleq iluatsitsivallaanngilaq.

Qinersisoqarnerata kingorna Avannaata Kommuniani Siumumi taaneqarnerpaagaluarluni borgmesterinngornissamut periarfissani annaavaa, maannakkullu partiimi ilaasortaajunnaarsinneqarpoq.

- Siumup siulersuisuunerisa ulloq manna aalajangerpaat Minik Høegh-Dam partiimit Siumumit anisinneqassasoq, tallimanngornermi Erik Jensen tusagassiuutinut nalunaarummi taama allappoq.

Nalinginnaasumik Qinigaasinnaanermut Ataatsimiititaliap qullersaasutullu eqqartuussiviit qinigassanngortittup qinikkatut atorfinissinnaanera nalilertaraluaraat, tusagassiuutinut nalunaarummi nassuiaavoq.

- Siumut maanna killiffimmi anisitsiniarlutik inerniliinerat peqquteqarpoq siammarterisimanermut pasilliisoqarneranut ilisimasat saniatigut Siumup isiginngittusaarsinnaanngisaannik tunngavissalinnik assingusunik pasilliutinik peqarmat. Siumut ikiaroornartumut aanngajaarniutinillu siammarterilluni inatsisinik unioqqutitsinermut akuersaanngilluinnarpoq.

Naleqquttutut nalilerneqarsinnaasoq
Minik Høegh-Dam Qinigaasinnaatitaanermut Ataatsimiititaliamit naleqquttutut suli nalilerneqarsinnaavoq, taanna nalinginnaasumi kommunalbestyrelsimut ilaasortat pineqaatissinneqarsimanerinit naleqqussusaannik aalajangiisarput.

- Siumut Qinigaasinnaanermut Ataatsimiititaliap inerniliinera soorunami tusaatissatut tigussavaa. Taamaattoq Siumut Kattuffianut partiip malittarisassai naapertorlugit aalajangerneruvoq utertinneqarsinnaanngitsoq.

Qarsoq Høegh-Dam taamatut aalajangiiffigineqassanersoq Erik Jensenip oqaatigerusunngilaa, Qinigaasinnaatitaanermut Ataatsimiititaliaq partiip utaqqimmagu, taassuma Inatsisartunut ilaasortat qinigaasut naleqqussusaat nalilissavaat.

Ilaqutariit Høegh-Damikkut qineqqusaarnerup ingerlanerani Siumimi sulipput, tassani siulittaasup tulliata Vivian Motzfeldtip qatanngutigiinnut angajoqqaajusut Bitten Høegh-Dam aamma Kim Høegh-Dam qinersineq sioqqullugu suliumassusaannut annertuumut qujaffigai.

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER