Siumut

Siumup Inuusuttai: Lars-Emilip partii innarlerpaa

Siumup siulittaasua Kim Kielsen (Naalakkersuisut siulittaasuat), siumullu utoqqartaat Lars-Emil Johansen (Inatsisartuni siulittaasoq) pissaaneqarniuullutik akerleriinnerat, Siumup Inuusuttaanit akuleruffigineqarpoq.

Lars-Emil Johansen
Lars-Emil Johansenip partiip siulittaasuanut isornartorsiuvisimaneranut Siumup Inuusuttai tapersiinngillat

Kingullertigut Lars-Emil Johansennip tusagassiutitigut isornartorsiuiarnera uunga killippoq allaat partiimut innarliisutut oqaatigineqartarluni, Siumup inuusuttaani siulittaasoq Steve Sandgreen, siulersuisoqatini sinnerlugit allappoq.

Atuaruk: Lars-Emil Johansenip Kim Kielsen isornartorsiorpaa

-Siumup inuusuttaani isumaqarpugut Partii Siumut ataatsimoortariaqartoq nunarput pitsaanerpaamik siunnerfeqassappat, Siumup inuusuttai tusagassiuutinut nalunaaruteqarput, taakkulu Kim Kielsenimik tapersersuinertik erseqqissaatigaat.

Atuaruk: Kielsen Lars-Emilimit qoqassineqartutut misigivoq

- Siumup Inuusuttaaniit isumaqarpugut siulittaasorput aqutsilluarsimasoq, atugassaritinneqarsimasut eqqarsaatigissagaanni – Siulittaasorput pingaarnerusunik suliassaqarpoq partiitta iluaniik aporfilersorneqartuarnissamininngaanniik, Steve Sandgreen allappoq. Erseqqissaatigalugu pissaaneqarniunneq angusaqarfissaanngilaq, ataatsimeersuarnermimi aaliangerneqareerpoq kina siulittaasorineripput aammalu suna politikkerineripput.

- Aqutsisuulluarpoq, Siumup Inuusuttai erseqqissaapput.

Atuaruk: Sara Olsvig: Lars-Emil Johansenip isornartorsiuinera assuarnarpoq

Powered by Labrador CMS