Siumup Inatsisartuisa KNAPK aquttussanngorpaat
Aalisartut piniartullu kattuffianni KNAPK-mi ukiuni arfineq pingasuni kingullerni siulittaasoq tapersersorneqarluartoq, Henrik Sandgreen siulittaasutut ingerlaqqissanngitsoq aalajangiunneqarpoq, paarlattuanik Siumut sinnerlugu Inatsisartuni ilaasortap Kim Kielsen (S)-ip sulinngiffeqarnerani sinniisussatut Inatsisartuni ilaasortaq Nikkulaat Jeremiassen siulittaasussamittut qinerpaat.
Oqartoqarsinnaavoq inerniliisoqarlunilu aalisartut piniartullu kattuffimminni siulittaasorisimaligaat, Henrik Sandgreen sillimannginnerminit periarsinnaajunnaartitaasimasoq. Sassaqqinnissaminik kaammattorneqareerluni akuersereerlunilu sassaqqikkaluarpoq qinigaaqqinnissani siunertaralugu, taamaattorli taasisinnaasut 25-niit arfiniliinnaat qinerpaat, taamaalillunilu siulittaasutut tunuartitaavoq. Aviisi Sermitsiaq taama allappoq.
Sunaliuna ajoqutaammat aalisartut piniartullu siulittaasortik ingerlaqqinnissaanut periarfissinngikkaat?
Imaassimanerpa aalisarnermut ataatsimiititaliarsuarmi suleqataasimanini pillaatisiarigaa? Imaluunniit piffissap siulittaasuuffimmi nalaani kattuffiup iluani eqqissiviilliornerit naammaginartumik anigorneqarnissaanik naammassisaqanngitsoorsimasoq, immaqaluunniit tamakku tamaasa ataatsimut isigalugit naammaginninnginneq pilersimasoq?
Allaaserisaq tamaat uani Sermitsiami pisiarisinnaasanni atuaruk: