Skip to main content

Siumup immikkoortoqarfia isertitaqqortuut akileraarutaannut akerliusoq

Nunatsinni akissarsiaqqortunerit akileraarnerutinneqartalissappata aalisartut eqqorneqarsinnaapput, Siumup Ilulissani immikkoortoqarfia isumaqarpoq

- Inuit Ataqatigiit akissarsiaqqortuut akileraarnerusalernissaannut siunnersuutaat isumaqatiginngilarput.

Naalakkersuisut ukiumut 1 millon koruunit sinnerlugit akissarsiaqartunut akileraarummik atuutilersitsiniarnerisa kingorna, Siumup Ilulissani immikkoortoqarfia tusagassiuutinut nalunaarummi taama allappoq.

Aningaasanut inatsimmut oqaaseqaatini naalakkersuisoqarfik allappoq, suliffeqarnermi ilanngaat 1 million koruunit sinnerlugit isertitalinnut topskatimik eqqussisoqarneratigut aningaasartalerneqarsinnaasoq.

Isertitaqqortuut ukiumut 700.000 kr. sinnerlugit aningaasarsiallit akilerarnerusalersinnerisigut isertitassat marloriaatipajaanngortinneqarsinnaapput. Topskatip 10 procentimut inissinneratigut isertitaasartut 20-60 millionit koruuninik amerlineqarsinnaassapput, suliffeqarnermi ilanngaatip aningaasassaqartinneqarnissaa eqqarsaatigalugu isertitat qanoq annertutigisut aallaavigineqassaneri apeqqutaallutik. 

Isertitaqqortuut tapiingaatsiartarput
Isertitaqqortuut inuiaqatigiinnut akileraartarnikkut tapiisareersut, Siumut Ilulissat uparuarpaat.

- Akissarsiaqarnerit sutigut tamatigut taperneqarneq ajorput, soorlu inigisanut meeqqerivinnulluunniit. Akissarsiaqarnerit ilungersorlutik ilinniarneq sulerulunnerlu aqqutigalugit angusarpaat annertunermik akileraartarneq. Taamaasillutik akissarsiakinnernit annertunerungaartumik akileraartarlutik, Siumut Ilulissani siulittaasoq, Johanne Olsen oqarpoq.

Ineriartortitsinermut aporfiit
- Tamatta kissaatigaarput ilinniarluarsimasunik pilersitsiuarnissaq. Ilinniarluarsimasullu amigaatigeqaagut, ingammik Nunatta namminersulernissaa eqqarsaatigalugu. Ilinniarluarsimasut akissarsiarinnerusarput. Taamaattullu Nunatsinni pisariaqarteqisatta Nunatsinni suliffeqartuarnissaat kissaatigeqaarput, taanna erseqqissaavoq.

- Annertunerusumik akileraartarneq pissutigalugu Nunatsinni suliumannginneq pilersissanngilarput.

Isertitaqqortuunut akileraarutip aalisartut aallarnisaasullu eeqorsinnaavai, Johanne Olsen oqarpoq.

- Aalisartut allallu namminersorlutik inuutissarsiutilippassuit, annertuumik isertitsisartut inerisaanissaminnut atugassaat, akileraarnerusalernikkut mangiarneqassooq, inuutissarsiummillu ineriartuttitsinissaq akileraarnerusalernikkut innarlerneqassalluni. Aamma kaaallit DK-mi ilinniarluarsimasut nunatsinnut uterartinnissaannut,   aningaasarsiakkaat akileraarusernissaat taakua uterarnissaannut aporfissanut ilaalersinnaavoq, Siumut Ilulissat taama oqariartuuteqarpoq.

Atuaruk: Demokraatit: Akissarsiaqqortunerit immikkut akileraaruserneqarnissaat isumassarsialatsiaanngilaq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER