Skip to main content

Siumup atuarfeqarnermut aningaasartuutit amerlinissaat kissaatigaa

Siumup Sisimiuni immikkoortortaqarfiata atuarfeqarnermut aningaasaliissutit amerlinissaannik Inatsisartut piumasaqarput

Meeqqat atuarfiini atuartut angusaat pitsaanginneri, piumassuseqannginneri eqqissiviinnerilu ajornartorsiutaavoq. Tamannalu atuarfeqarnermut aningaasaliissutit amerlinerisigut aaqqinneqarsinnaasoq Sisimiuni Siumup immikkoortortaqarfiani siulittaasoq, Lars-Jørgen Kleist, isumaqarpoq. Taassuma ilinniartitsisut ilinniartitsisutut sulinissai kaammattuutigaa. 

Meeqqat atuarfiata nalilersorneqarnerani ajornartorsiutit arlallit tikkuarneqarput. Kommunit akisussaaffimminnik naammassinninngitsut, ilinniartitsisut atuartut ajornartorsiutaaneranik oqariartuuteqartut aammattaaq ilinniartitsisut pisortallu suleqatigiinnerat pitsaanngitsoq, ilaatigut tikkuarneqarput. 

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq Nivi Olsen, Qanoruumi oqaaseqarpoq atuarfinni atuartut angusinngitsoortartut qaangissagutsigit inuiaqatigiinni pingaarnersiuinermi isumaqatigiissutigissagipput inuiaqatigiit iluanni suna anguniassaneripput, taassuma kingorna isumaqatigiissut naammassereerpat suut allorissaarfiussasut tikkuusserusulluni.

- Siumut Sisimiut isumaqarpoq, taamaallaat isumaqatigiissutigisinnaanngikkipput suut anguniarnerlugit. Inuiaqatigiimmi eqqarsartaasaat ullormiit ullormut allanngortinneqarsinnnaanngilaq. Taamaattumik iliuuseqarnissaq pisariaqarpoq, Lars-Jørgen Kleist tusagassiuutinut nalunaarummi allappoq.

Aningaasat ima atorneqassapput
Siumup immikkoortortaqarfiani Sisimiuniittumi oqariartuutigineqarpoq susussaqartut, tassa IMAK, ilinniartitaanermut naalakkersuisoqarfik aammalu atuarfeqarfinni pisortat, issiaqatigiillutik oqaloqatigiittariaqartut. Taamaasillutik siunnersuusiornissamut tunuliaquteqarlutik sumi aaqqissuusseqqittoqassanersoq sumilu immikkut iliuuseqartoqassanersoq oqaluusereqqullugit. 

- Nalilersuisariaqarpugut ilinniarfeqarfiit tamaasa akissaqartinnerigut, soorlu assersuutigalugu ilinniartitaanermi pitsaassuseq pitsaanngippat nalilersuisinnaasariaqarluta. Pingaaruteqarluinnarpoq atuarfeqarfiit sukumiisumik tikkuassallugit, atuarfinni pisortat ikorfartussallugit aammalu ataqqinninneq nukiillu pigisat qaffassassallugit, Lars-Jørgen Kleist isumaqarpoq.

Skolefeenik, inunnik isumaginninnermut siunnersortinik aammalu ilinniartitsisunik pisariaqartitanik atorfinitsitsinikkut immikkut pisariaqartitsineq matuneqassasoq, taamaasilluni angajoqqaat angerlarsimaffiillu atuarfeqarfinnut malinnaanngitsut iliuuseqarfigineqassasut aamma oqaatigaa.

Skolefeet tassaapput ilinniartitsisut allalluunniit immikkut ilinniarsimasut meeqqanik sumiginnakkanik sullissisinnaasut. 

Meeqqat atuarfeqarnerata pitsaanngitsup isornartorsiugaaqisullu sapaatit akunnerani matumani immikkut sammineqartoq Sermitsiami atuarsinnaavat. Aviisi uani pisiariuk:

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER