Siumumi siulittaasussatut nutaamik sassartoqartoq
Siumumi siulitaasunngorniunnissamut allamik aamma sassartoqarsimavoq.
Annonse
Siumup ukioq manna kingusinnerusukkut siulittaasussaminik qinersinissaanut qinigassanngortittut sisamanngorsimapput.
Siumup aaqqissuussaanerani siulittaasup tulliata Evelyn M. Frederiksenip tallimanngormat Sermitsiaq.AG-mut ilisimatitsissutigaa, Johan Arne Fleischer Siumumi siulittaasussatut qinigassanngortissimasoq.
Evelyn M. Frederiksen naapertorlugu Johan Arne Fleischer timmisartortartuuvoq Qaqortumilu najugaqarluni
Taamaalilluni sassartut sisamat siulittaasunngorniuttussanngorput, tassaasut:
Kim Kielsen
Vivian Motzfeldt
Erik Jensen
Johan Arne Fleischer
Siumut nuna tamakkerlugu ataatsimeersuarnerani qinersisoqassaaq, pilersaarutit malillugit novembarip 27-aniit 29-anut Nuummi ataatsimeersuartoqassaaq.