Siumumi politikkeri: Erik Jensen siulittaasussatut taperserpara

Inatsisartuni ilaasortap Anders Olsenip (S) Erik Jensen Siumumi siulittaasussatut taperserpaa.

Erik Jensen

Erik Jensen Siumumi siulittaasunngortariaqarpoq.

Inatsisartuni ilaasortaq Anders Olsen (S) taamatut isumaqarpoq. Partii Nuna tamakkerlugu ataatsimeersuassaaq. Erik Jensen siulittaasutut taperserlugu tusagassiutinut nalunaarummi allappoq.

- Suminngaanneeraluaraannimi Erik Jensenip qanimut tusarnaarsinnaanera, tunuliaquttanik kikkuugaluartunulluunniit akuutitsisarnera inuppalaarneralu minnerunngitsumillu ataatsimoortitserusunnera assortugassaanngitsut Siumumi amigaatigisarsimagatsigit, Anders Olsen allappoq.

Siumup tatigineqarnera

Erik Jensen Siumup tatigineqarnissaanik sulissuteqarnera oqaatigaa.

- Erik Jensenimmi aamma pingaartippaa qiimasumik nuannersumik torrallatamillu angusaqarluarnissaq.

Siumut Nuummi Nuna tamakkerlugu ataatsimmersuassaaq akunnerup naanerani. Siulittaasutut qineqqusaartut tassaapput Kim Kielsen, Vivian Motzfeldt kiisalu tassa Erik Jensen.

Powered by Labrador CMS