Skip to main content

Siumumi politikerit: Taamaammat qineqqusaaqqinngilagut

Siumumi politikerit nuimasut marluk Karl-Kristian Kruse aamma Simon Simonsen Inatsisartunut qineqqusaanngillat ilaquttatik piffissaqarfiginerorusukkamikkit. Simon Simonsen aamma isumaqanngilaq Inatsisartuni kommunalbestyrelsimilu ataatsikkut issiasoqarsinnaasoq, tamarmik immikkut suliassarpassuaqartarmata.

Karl-Kristian Kruse 2013-imili Inatsisartuni issiasoq, 2018-imi Inatsisartunut qineqqusaarami 322-nik taaneqarpoq. Maanna Inatsisartunut qineqqusaarnermi qineqqusaanngilaq ilaquttaminut piffissaqarnerujumalluni.

– Ernera nukarleq inunngormalli politikeritut suligama peroriartornerani peqanngittarnikooqaanga, siullermik nunaqarfiup aqutsisuini, kommunalbestyrelsimut, 2013-miillu Inatsisartuni. Ilaquttakka neriorsornikuuakka qineqqusaaqqinniarnanga neriorsuutigalu eqquutsissimanngikkaluarukku soorunami ilaqutariinnitsinnut aamma sunniuteqarsimassagaluarpoq. Inuusukannertilluta peqqikkallarnitsinnilu inuunermik allamik ilaqutariittut aamma misigilaarusukkatsigu sassanngilanga. Ullumikkut ajunngeqaanga aamma taamatut toqqaasimanera nuannarivara peqqissimissutiginagulu, Karl-Kristian Kruse aviisimut Sermitsiamut oqarpoq.

Avannaaniit Nuummut tikeqqammersoq Sermitsiamit oqaluupparput, Uummannap sulluani piniariaqqammerluni.

– Qinersiviit matunissaannut 1 tiimi sioqqullugu Nuummut tikippunga, qujanartumillu taasinissannut angumersillunga. Politikkimut suli soqutiginnillunga malinnaavunga aamma aalisarianngikkaangama piniarianngikkaangamaluunniit  pisinnaagaangama qineqqusaartunut malinnaasarpunga, Karl-Kristian Kruse ullumikkut Nuummi najugaqartoq oqarpoq. 

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER