Tunu
Siumumi politikeri: Tunu inuerussarneqarnerluni?
Inatsisartuni ilaasortaq Laura Táunâjik (S), Tunumi qilalugartassat ikilissinneqarnerat kamaatigaa
- Piniartuuneq inuussutigissallugu akilersinnaajunnaaraluttuinnarluni. Piniakkallu killilersugaanerat annertungaarmat piniartut pisassaminnik isumalluartarnerat takorluugaannanngorsimavoq.
Inatsisartuni ilaasortaq Siummumeersoq, Laura Táunâjik taama allappoq.
Assersuutigalugu naak Tasiilaq annertuumik inuttussusinikkartoraluartoq, suli ernumasoqarpoq. Tassami qilalugartassat 18-iusut 16-inut appartinneqarput, piniartullu ataasiakkaat artukkerneqaraluttuinnartut taanna oqarpoq.
Atuaruk: Nunatsinni illoqarfiit ineriartornerpaaffiani sanaartugassanik niuerneq nutaaq
Nammineq nunamini ajorsartoq?
- Piniartuusup nammineq nunamini oqartussaaqataanera sumiissimanerpa? Kalaalerlu ajorsartuaannassanerpa?, politikeri aperaaq.
Laura Táunâjiup politikerit qineqqusaarutaat timitalersorneqanngitsut qatsuppai.
Ikioqatigiinneq
- Isumalluarsaarinerit unitsillik, nammaqatigiinneq ikioqatigiinmnerlu atuutilerlik, Inatsisartuni ilaasortaq erseqqissaavoq.
- Maani tunumi sumiginnagaasutut misigineq tamanut artukkiigaluttuinnarpoq, avinngarusimasumi najugaqarneq peqqutaanerpa? imaluunniit nipaarsaartumik inuerussaasoqalernerpa?