Siumumi politikeri toqoraavinnut akikillilerusiiniarpoq

Toqoraaviit taamaallaat 41,5 procentimik innaallagissamut imermullu Nukissiorfinnut akiliisalissapput. Siumup Inatsisartunut ilaasortaatitaa, Suka K. Frederiksen taama isumaqarpoq.

Neqimut 1,5 millionit koruuninik sipaarutaassasoq
Suliffeqarfiit Neqi A/S Narsamiittoq aamma Lille Holm ApS Maniitsumiittoq taakkartorpai. Taassuma siunnersuutini nunap qaavani aalisakkeriviit taamatut akikillileriffigineqartarnerat tunngavilersuutigaa.

Atuaruk: Neqi savaaqqanik Islandimut aallerpoq

- Tamanna nunami inuussutissanik inerisaanermi toqoraavinnut, Neqi A/S-imut atuutilersinneqarpat suliffeqarfimmut Neqi A/S-imut 1,5 millionit koruuninik aningaasartuutikillisaataassaaq, siunnersuuteqarnermini taanna oqarpoq.

Atuaruk: Maniitsumi iluatsilluartumut aningaasaliineq annertooq

Akikillilerut tamanut atuutissaaq
Naalakkersuisut erniinnartumik siunnersuut qiimmatsaatiginngilaat. Nioqqutassiorfiit ataasiakkaat salliutinneqassanngitsut, taakku isumaqarput.

Pinngortitamut, avatangiisinut aamma nukissiornermut naalakkersuisoq, Mala Høy Kúko, taamaattumik allannguutissatut siunnersuuteqarpoq, nioqqutissiorfiit tamarmik aalisakkanik inuussutissarsiorfimmut naligiissarneqassasut.

Siunnersuutit taakku marluk ataatsimiititalianut suliarisassanngorlugit nassiunneqarnikuupput.