Skip to main content

Siumumi pikitsitsisut: Silaannaq salinneqarpoq

Siumumi aaqqiagiinnginneq anigorniarlugu partiimi pikitsitsisut aamma partiip siulersuisuuneri ataasimiipput sapaatip akunnerani matumani. Taamaattoq Kim Kielsen tatigineqaqqilerpa? Apeqqut taanna Nikkulaat Jeremiassenimit oqaaseqarfigineqarusunngilaq

Siumumi siulersuisuunerit aamma partiimi pikitsitsisut ataatsimeeqatigeereernermi kingorna silaannaq salinneqarpoq.

Nikkulaat Jeremiassen, Kim Kielsenimut tatiginninnginnermik atsioqataasoq, Sermitsiaq.AG-mut ullumi sisamanngornermi oqarpoq. 

Tatiginninneq pillugu apeqqut akineqarusunngitsoq

Partiimi siulersuisuunerit, partii sinnerlugu Inatsisartuni ilaasortat aamma Naalakkersuisunut ilaasortat marlunngornermi pingasunngornermilu ataatsimeeqatigiipput.

- Silaannaq salinneqarpoq. Siumut nukittuumik ingerlaqqinnissaa tamatta immitsinnut naligiimmik tusaalluta suleqatigiissaagut. Ataatsimeereernerup kingorna tamarmik ajugaasuupput, oqarpoq.

- Kim Kielsen tatigileqqippisiuk?

- Tamanna oqaaseqarfigissanngilara. Oqareernittut silaannaq salinneqarpoq, nukittuumik ingerlaqqinnissatsinnut tunngavissaqalerpoq, suleqatigiinnikkut innuttaasunik sullississaagut, Nikkulaat Jeremiassen oqarpoq.

Pikitsitsisut arfineq marluk

Kim Kielsenip partiimi siulittaasuujunnaarnissaa Siumut tunuliaqutaralugu Inatsisartunut ilaasortat arfinillit aamma naalakkersuisunut ilaasortaq Erik Jensen piumasaqarput.

Partiip immikkoortortaqarfiinit Kim Kielsen tapersersorluarneqarpoq, taamaasilluni partiimi aamma Naalakkersuisunut ilaasortatut ingerlaqqilluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER