Skip to main content

Siumumi nuimasut: Mittarfiliortoqassaaq

Kim Kielsenip Siumumilu nuimasut pingasut allat timmisartoqarfiit qineqqusaarnermut ilannguppaat, taakkulu isumaqarput, IA-p mittarfiliornerit "Qineqqusaarnermi tupatsitserujussuarsinnaasut" pillugit oqaaseqarnera ilumuunngilluinnartoq.

IA-p Nuummi, Ilulissani Qaqortumilu mittarfiliornerit nalilersoqqinneqarnissaanik piumasaqarnerata aamma Naleqqap naannerusunik mittarfiliortoqarnissaanik piumasaqartuarnerata Kim Kielsen, Karl Frederik Danielsen borgmesterillu marluk Kiista P. Isaksen Palle Jerimiassenilu qisuariartippaat.

Politikkerit taakku simasat ataatsimoorlutik allakkaminni qulequtsiullugu ”Siumut: Ineriartorneq ingerlatiinnarli!” erseqqissaassutigalugu oqaatigaat, mittarfiliornerit nunap ineriartortittuarneqarnissaanut pingaaruteqarluinnartut aamma suliffissanik nutaanik pilersitsillutillu ilaatigut takornariartitsisarnermit avataanullu tunisaqartarnermit isertitaqarfiussasut.

Inuiaqatigiinni tamani siuariartortoqassasoq

IA ilanngutassiami oqaatsit uku atorlugit isornartorsiorneqarpoq:

- Aappaatigut Nuummi kommunalbestyrelsip ukiorpassuarni - ukiuni kingullrni IA aquttoralugu - Nuummi atlantikukkoortaatinut mittarfeqalernissa taamalu Nuummi ineriartortitseqqinnissaq sorsuutigisimavaa. Tassunga atatillugu takujumiaappoq, Kalaallit Nunanni sumiiffinni allani tassunga assingusumik ineriartortitsiniarnermut IA qanoq isumaqarnersoq, partiimi nunap immikkoortuini allani najugaqarfinnilu mikinerusuni attaveqaatitigut ineriartortitsinissamut tapersersuerpasinngilaqq, taakku sisimat ataatsimoorlutik oqariartuuteqarput.

Taakku erseqqissaatigaat, mittarfiit nutaat pingasut ”inuiaqatigiinni tamani” siuariartortitsissasut. Assersuutigalugu Ilulissani mittarfik nutaaq Aasiannut, Qasigiannguanut Qeqertarsuullu Tunuani nunaqarfinnut iluaqutaassasoq, Qaqortumili mittarfik Nanortalimmut Narsamullu sunniuteqassalluni, siumumeersut sisamat oqarput.

Aningaasaliissutit annertuut iluaqutaasussalli

- Mittarfissanut annertuunik iluaqutaasussanillu aningaasaliissuteqartoqarpoq, annertuumillu iluaqutigisisussaavagut, Kalaallit Nunaanni aatsaat taamak annertutigisunik attaveqaasiorneq pillugu isornartorsiutaasunik akerliillutik taakku erseqqissaapput.

Taakku sisamaallutik naggasiullugu allapput, ”siunissaq imminermi takkutissaaq – ineriartortitsisoqassappalli aalajangiisinnaassuseqarlunilu sapiissuseqartoqartariaqarpoq”.

Politkkerit taakku simasat allakkiminni ilannguppaat, Qaqortumi inuiaqatigiit aningaasaqarnerannut iluaqusiisanngereersumi mittarfiliornissamut immikkut millioninik nalilinnik aningaasaliissuteqarnissamut piareersimallutik.

Qaqortumi mittarfiliortoqarnissaanut suliarinnittussarsiuussinermi siullermi missingersuutit millioninik pingasunik kisitsisitalinnik sipporlugit neqerooruteqartoqarsimammat neqeroortitsineq unitsinneqarsimavoq, maannalu nutaamik neqeroortitsisoqarpoq martisp aqqaneq-aappaanni naggamik neqerooruteqarsinnaalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER