Siumumi isumaqatigiinninnerit unissimassasut neriuutigaarput
Illuatungiliuttuni partiit anginersaata Inuit Ataqatigiit neriuutigaat Siumumi isumaqatigiinngittarnerit unissimassasut, partiimilu inuiaqatigiinnut sulineq pingaartinnerulissagaat.
Siumut, Partii Naleraq, Atassut aamma Nunatta Qitornai naalakkersuisoqatigiinnissamik tallimanngornermi isumaqatigiissuteqarnerisa kingorna Inuit Ataqatigiit, Demokraatit aamma Suleqatigiissitsisut ukiuni tulliuttuni sisamani illuatungiliuttutut inissisimalissapput.
Inuit Ataqatigiit maanna illutungiliuttuni arfineq-pingasunik ilaasortaatitaqarluni anginerpaanngortup neriuutigaa, Siumumi isumaqatigiinngittarnerit unitsillugit nunamut sullissinertik pingaartinnerulissagaat.
- Siumumi isumaqatigiinngissuteqarnerit politikkikkut sulinermi nukippassuarnik atuiffiusimapput. Isumaqatigiinngissuteqartarnerillu kingunerisaanik partii partiinik allanik suleqateqarniarneranut sunniuteqarsimalluni, Siumummi Naalakkersuisunik nikisitsisarnikuuvoq, Sara Olsvig oqarpoq nangillunilu:
- Taamaammat maanna neriuutigaarput, partiit maanna iluminni isumaqatigiinnittarnerit pinnagit sulineq ukkatarissagaat.
Inuit Ataqatigiillu ukiuni tulliuttuni sisamani illuatungiliuttutut inissisimanissaq piareersimaffigaat.
- Partiitut ukiut 40-t piusimavugut, misilittagaqarfigaarpullu naalakkersuisoqataanikkut illuatungiliuttuniluunniit inissisimatilluta tamaasa angusaqarfigisarlugit, Sara Olsvig oqarpoq.
Partiit allat aamma piareersimapput
Maanna naalakkersuisoqatigiinnissamik isumaqatigiissuteqartoqarmat Suleqatigiissitsisut nuannaarutigaat. Partiillu pilersinneqaqqammertup isumaqatiginninniarnerni peqataanera pissanganarsimavoq, taamaakkaluartoq saqqummiunneqartut aallaavigalugit partii isumaqatigiinniarnerni peqataarusussimanngilaq.
- Ingammik aalisarnermut politikki pillugu. Naalakkersuisoqatigiinnimi partiit amerlanersaat piffissami sivikitsuinnarmi aalisagartasseeriaaseq assut allanngortikkusuppaat. Tamannalu isumaqataaffiginikuunngisaannarparput, Michael Rosing oqarpoq nangillunilu:
Demokraatit naalakkersuisoqatigiinnissamik isumaqatigiissut nutaaq tusaatissatut tiguaat.
- Illuatungiliuttuunissarpulli piareersimaffigaarput. Oqaatigisareersimasatsituulli immikkoortuni suleqataasinnaassaagut kisianni immikkoortuni allani aamma akerliusassaagut, Randi Vestergaard Evalsen oqarpoq.
Læs hele sagen:
-
Snævert flertal bag kommende koalition
-
Koalitionsaftalen er underskrevet
-
Se præsentationen af koalitionen her
-
Aalisarnermut inatsit naapeqatigiissutigineqarsinnaasumik suliarineqassaaq
-
Nationalt kompromis om fiskerilov
-
Naammagisimaarinnilluarpunga
-
Jeg er meget tilfreds
-
Her bliver koalitionen præsenteret
-
Naalakkersuisoqatigiit uani ilisartinneqarput
-
Naalakkersuisut skal have ansvar for udenrigs- og sikkerhedspolitik