Siumumi immikkoortortaqarfiup Kielsen tunuaqquaa
Siumup Sisimiuni immikkoortoqarfiata Kim Kielsen Nunatsinni partiit annersaanni siulittaasutut tunuarnissaanut kajumissaarpaa.
Annonse
Kim Kielsenimut tunuaqqusilluni kajumissaarut, KNR-ip ingerlateqqitaa, Siumup Sisimiuni immikkoortoqarfiata siulittaasuanit Dorthe Isaksenimeersuuvoq.
Siumumi siulittaasup inuiaqatigiinni pissutsit piviusorsiunngitsumik isigigai, aamma inuiaqatigiit mittarfiliornissamut suliniutinut kisitsisit ilumoorsaanngitsut atorlugit uukapaasiarineqartut, Siumut Sisimiut nalunaarut naapertorlugu taama isumaqarpoq, KNR taama allappoq.
Immikkoortortaqarfiup oqariartuuteqarnera mittarfiliortiternissamut inatsisissap Inatsisartuni aappassaaneerneqarfissaani pivoq.
KNR-ip allaaserisaa naapertorlugu, mittarfiliortiternissamut pilersaarut isorliunerusut atugaannik ilungersunartunik puiguinerit takussutissartarigaat, immikkoortoqarfik isumaqarpoq.