Siumumi ajornartorsiuteqartoqarnera Mútemut ajornartorsiutinngorsinnaasoq
Siumumi avissaartuuttoqartoq innuttaasullu akerliusut. IA-mut tamanna periarfissatsialaasariaqaraluarpoq; naalakkersuisooqatigisinnaasaatulli piukkunnaatillit amigaataapput
Siumut ilumini avissaartuuffiusaqattaarpoq. Kingullermik "Inuarullikkat arfineq-marluk" pikitsitsimmata. Innuttaasut akerliunerat ilanngukkaanni tamanna IA-mi siulittaasumut Múte B. Egedemut periarfissatsialaasariaqaraluarpoq. Periarfissarli ajortumik niaqorluutinngorsinnaavoq.
AG naliliinermini allappoq
Sumut aqutsisoqarnikkut ajornartorsiuteqarnera eqqarsaatigalugu Múte B. Egedep periarfissanik takunnissinnaanera paasinarpoq. Periarfissarli qatagiinnarneqariaannaavoq. IA-mmi siunissami politikkiminik kikkunnik ingerlatseqateqasinnaanera takujuminaappoq. Demokraatit suleqatigerusutaminnik erseqqissumik toqqaareersimapput. Múte Nivilu IA-p naalakkersuisuutitaqarusunneranut aaqqiissutissaanavianngillat.
Partiit illuatungiliuttut aamma isummamikkut tunngavimmikkullu sumut tamaanga sammiveqarput: Illuatungaani Naleqqami siuttut namminersortunngorusuttut illuatungaanilu Tillie Martinussen. Aamma Atassutip siulittaaasortaava Aqqalu Jerimiassen taakkununnga ilaasoq, Atassut Danmarkimut atassuteqaqqilersinniarlugu aalajangersimavoq.
Illuatungiliuttut partiivisa sisamaasut anginaasanut inatsisissaq taaseqataaffigerusunngisartik ataatsimoorlutik akerlerivaat. Siunissarli ungasinnerusoq eqqarsaatigalugu, taakku sisamat pineqartut ataatsimuulivissinnaagunanngillat.
AG-mi nalilersuisimaneq tamakkerlugu, aamma Siumut ajornartorsiutaanik itisiliisoq, ugguuna pisiareriarlugu atuarsinnaavat: