Skip to main content

Siumukkormiut qinersiviup ataasiunera isoraat

Siumup Inatsisartuni ilaasortaatitaasa marluk nunatta Inatsisartunut qinersinermi ataatsitut qinersiviunera isornartoqartippaat

Siumup Inatsiartuni ilaasortaatitaasa marluk, Suka K. Frederiksenip aamma Anders Olsenip, tusarusuppaat Naalakkersuisut ilisimasaqarnersut Inatsisartuni ilaasortat illoqarfiit aggerfitik Inatsisartutut atuunnerminni salliutittarneraat.

Tamanna paragraf 37 naapertorlugu apeqquteqaateqarneratigut pivoq.

Siumumeersummi, Suka K. Frederiksen aamma Anders Olsen isumaqarput Inatsisartunut qinersinerup kingulliup takutikkaa qinersisartut nunap immikkoortuani qinersiveqalernissaq kissaatigigaat.

- Naalakkersuisut missiliuussinerat malillugu Inatsisartuni ilaasortat aalajangiiffigisassatut siunnersuutinik saqqummiussisartut illoqarfik najugaqarfitsik iluaqusernissaa siunertaralugu, tamanna misissuivigineqarnikuua? 

- Naalakkersuisut missiliuussinerat malillugu illoqarfiit  nunaqarfiillu inatsisartunut qinikkanik sinniisuutitaqanngitsut ineriartornerat anni-kinnerusoq/annertunerusoq? 

Taama Inatsisartunut ilaasortat marluk Siumumeersut, Suka K. Frederiksen aamma Anders Olsen, paragraf 37 naapertorlugu Naalakkersuisunut apeqquteqarput.

Inuuniarnermi atugassat assigiinngitsut
Taakkua Inatsisartuni ilaasortak marluk nangillutik allapput nunarput ima angitigimmat allaat inuuniarnermi kulturikkullu atukkat sumiiffimmiit sumiiffimmut assigiinngitsut.

- Kommuunit kattussuuneqarnerisa kingunerisaanik suli annerusumik assigiingis-suseq ersarinnerulerpoq, sumiiffinni akisussaaqataaneq maanna annertuumik ujartorneqarpoq, Suka K. Frederiksen aamma Anders Olsen allapput.

Nunarput 1998-imi qinersivimmut ataasinngortinneqarpoq, periuserlu nutaaq Inatsisartunut februaarip 16-ani 1999-imi qinersinermi misilinneqaqqaarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER