Skip to main content

Siumukkormiu inuusuttoq: Pineqaatissinneqarsimasut qinersisinnaanerat atorunnaarsinneqarli

Siumuminngaanneersup Kaaleeraq Møller Andersenip, siunissami pinerluuteqarsimasut Inatsisartunut kommuninullu qinersisinnaajunnaarnissaat sulissutiginiarpaa

- Nunatsinni pinerlussimasunut pineqaatissinneqarsimasunullu ajunngisaarpallaaleqaangut, taamaattumik tulliani Inatsisartunut qineqqusaarutimma ilagivaat pineqaatissinneqarsimasut qinersisinnaanermut pisinnaatitaaffiiarneqassasut.

Kaaleeraq Møller Andersen (S) tusagassiuutinut nalunaarummi allappoq. Taanna Inatsisartunut qinersisoqalerpat qinigassanngortissamaarpoq.

- Imaammat, inuup namminermini inatsik malissinnaanngikkuniuk inunnut qinikkanut inatsisiliortuusunut qinersisinnaasuseqartussaanngilaq, taakkuami suliaat malissinnaanngikkuningit. Inatsimmik malinnissinnaanani inatsisiliortumik imminut sinnerluni sulisussamik aamma kiffaanngissusileeqataasutut pisinnaatitaasussaanngilaq, taanna oqarpoq.

Kisianni annikinnerusumik pinerluuteqarsimasut qinersisinnaasariaqartut Kaaleeraq Møller Andersenip oqaatigaa.

- Soorunami uani sakkortuumik pinerlussimasut siulliunneqassapput, inuarsimasut, kiguaasiutitigut atornerliusimasut, ikiaroornartunik eqqussuisut sooruna allarpassuillu, taamaammallu aamma taassuma inatsisissap qanoq sakkortutiginissaa
oqallisaasariaqarpoq,qanoq annertugigisumik pinerluuteqartut qinersisinnaanermik arsaarneqartassappat? Tamannalu qanoq killeqassua, parnaarussaasimannginnissaq? Taamaallaat pinerlussimannginnermut aattaat uppernarsaateqarluni qinersisoqarsinnaassua?, Kaaleeraq Møller Andersen aperivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER