Avannaata Qimussersua
Siulliuniuttut
Ukiormanna Aasianni Avannaata Qimussersuaqartoqarnerani siulliulluni tulliullunilu apuuttut sekundialuinnarnik nikigassuteqarput. Angusat uani takukkit.
Ukiormanna Avannaata Qimussersua unammiffiuvoq.
Aasianni 40 km isorartutigisumut qimussit sukkaniunneranni Edvard Samuelsenip Thomas Inuusuttulli nikigassutaat 12 sekundiinnaavoq.
Edvard Samuelsen akunnerit 1:31:39 ingerlaareerluni apuuppoq, Thomas Inuusuttorlu akunnerit 1:31:51 ingerlaareerluni apuulluni.
Atuaruk: Edvard Samuelsen ajugaaqqittoq
Anthon Street akunnerit 1:34:12 ingerlaareerluni apuuppoq, ajugaasumit minutsinik 2:33 kingulliulluni.
Nuka Peter Berthelsen kingullersaalluni apuuttoq akunnerit 2:18:03 ingerlaarsimalluni.
Avannaata Qimussersuani inernerit ataani takusinnaavatit imaluunniit Avannaata Qimussersuata Facebookia alakkarlugu.