Skip to main content

Siullermeerlutik qinigassanngortittut taaguunneqarnerpaanut ilaasut

Nunami tamarmi politikkimut siullermeerlutik qinigassanngortittut arlallit Inatsisartunut qinersinermi inuttut taaguunneqarnerpaanut ilaapput.

IA-mi siulittaasoq Múte B. Egede inuttut 3.380-inik taaguunneqarluni qinerneqarnerpaasimavoq, qinerneqarnerpaat tullianit: Kim Kielsenimit, der scorede 1.841-nik taaguunneqarsimasumit amerlanerungaartunik taaguunneqarsimalluni.

Politikkeritoqaq Hans Enoksen, qinersisartunit suli nuannarineqarluni 1.471-inik taaguunneqarsimavoq, taamalu taaguunneqarnerpaat pingajoralukku.

Taaguunneqarnerpaat sisamaattut inissittoq tassaavoq, IA-mi politikkikkut siulittaasup tullia Aqqaluaq B. Egede 1.287-inik taaguunneqarsimasoq, taamaalillunilu Siumumi siulittaasumit Erik Jensenimit, 1.186-inik taaguunneqarsimasumit taaguunneqarnerusimalluni.

Kommunimi politikkeriunermiit nuna tamakkerlugu politikkeriunermut

2017-imi kommunimut qinersinermi taaguunneqarluarsimasoq Asii Chemnitz Narup, nunami tamarmi politikkeritut qinigaalluassanersoq pissanngatigineqarsimavoq.

Qinersisartullu naliliinerat erseqqippoq. Asii Chemnitz Narup 983-inik taaguunneqarsimalluni qinerneqarnerpaat arfernatut inissippoq, taamalu Atassummi siulittaasumit Aqqalu C. Jerimiassenimit, 858-inik taaguunneqarsimasumit taaguunneqarnerusimalluni.

Nutaat taaguunneqarluarsimasut pingasut

Taaguunneqarnerpaasimasut allattorsimaffiannut politikkerit nutaat pingasut kingullertut inissipput.

Med 814 stemmer overraskede Siumumeersoq Aslak Vilhelm Jensen 814-inik taaguunneqarluni qinigaalluarami taaguunneqarnerpaani normu syvinngorpoq, tulleralugulu parteeqatini Qarsoq Høegh-Dam, 786-inik taaguunneqarsimasoq.

Taaguunneqarnerpaat quliattut inissittoq tasaavoq IA-mi politikkeri: siullermeerluni qinigassanngortittoq Eqaluk Høegh, 649-nik taaguunneqarsimasoq.

Demokraatit taaguunneqarnerpaanut ilanngittut

Partii taaguunneqarnerpaanut qulinut ilaanngittutuaq tassaavoq Demokraatit, taakku qinersisartunit pillarneqarlutik Inatsiartuni issiaviit pingasut kisiisa pissarsiaralugit ilaasortaatitatik affaannanngortippaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER