Skip to main content

Siulittaasunngorniunneq sinerissamit aalajangerneqassaaq

Partii siulittaasumik qinersilerpat, Siumup immikkoortortaqarfippassui aalajangiisuussapput

Kim imaluunniit Vittus?

Siumut Sisimiuni juulip 26-anni 28-annut ataatsimeersuarluni katersuutsitsilerpat, tamanna apeqqut aalajangiisuussaaq.

Apeqqutip aalajangiiffiginissaanut partiip immikkoortoqarfippassui aalajangiinissamut pissaaneqarput. Tassami tamarmik immikkut minnerpaamik ataatsimik taasisinnaatitaapput.

Immikkoortortaq akiliisartunik 50-t aamma 100 akornanni ilaasortaqaruni, taava marlunnik taasisinnaatitaassaaq. Maannakkullu Sisimiuni immikkoortortaqarfik kisimi taama amerlassusilinnik ilaasortaqarpoq, partiip allattaa Mikael Petersen, Sermitsiaq.AG-mut taama ilisimatitsivoq.

Peqatigiiffiit 100-t sinnerlugit ilaasortaatitaqartut pingasunik taasititsisinnaapput, maannakkut Nuuk kisimi taama amerlatigisunik ilaasortaatitaqarpoq.

Immikkoortoqarfiit ataatsimeeqataasut kisimik taasinissaminnut periarfissaqarput.

Immikkoortortaqarfiit saniatigut partiip Inatsisartunut aamma Naalakkersuisunut ilaasortaatitaat taasisinnaassuseqarput. Tamannalu aamma borgmesterinut pingasunut atuuppoq.

Taasisinnaasut katillugu maanna 69-iusut Mikael Petersen ilisimatitsivoq.

Ataatsimut isigalugu partiimi pissaaneq immikkoortoqarfippassuarni inissisimalluarpoq. Kim Kielsenip aamma unammillertaata Vittus Qujaukitsup partiimik aqutsisuunissamut tulluarnerpaallutik amerlanerpaanut uppernarsarniarsarissavaat.

Aatsaat allanik qinigassanngortittoqassanngippat. Qinersinissap aallartinnginnerani maanna periarfissaqalaarput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER