Skip to main content

Siulittaasumut tunngatillugu nassuiaatit assigiinngitsut

Siumut Naalakkersuisullu Tunngaviusumik inatsisissaq pillugu isumalioqatigiissitami kina siulittaasunngussanersoq pillugu assigiinngitsunik nalunaaruteqarput

Doris J. Jensen Tunngaviusumik inatsisissaq pillugu isumalioqatigiissitami siulittaasutut tunuarniarluni aalajangermat kina paarlattaassanersoq nalornissutigineqalerpoq.

Siumut partiiani allatsi Mikael Petersen ilisimatitsivoq, Tunngaviusumik inatsisissaq pillugu isumalioqatigiissitamut tungatillugu akisussaaffik Naalakkersuisuniittoq. Isumalioqatigiissitamut suliakkiissut naapertorlugu partiit annersaat siulittaasuutitaqartussaammat partiip kina siulittaasussatut inassutigisinnaaneraa pillugu ilisimatitsissuteqarsinnaannginnerminut tamanna pissutaanerarpaa.

- Naalakkersuisut qisuariarnissaat utaqqimaarparput, Mikael Petersen Sermitsiaq.AG-mut nassuiaavoq.

Vittusip akissutaa

Taamatut nalunaaruteqarnera Vittus Qujaukitsup, Tunngaviusumik inatsisissaq pillugu isumalioqatigiissitamut akisussaasup akissutaanut akerliulluinnarpoq.

- Doris J. Jensenip paarlatsissaanik suli siulittaasussamik toqqaasoqanngilaq, Siumumiilli Inatsisartunut kingullermik qinersisoqarmat partiini annersanngortumit siulittaasussamik toqqaanissamut kina inassutigineqassanersoq suli sulissutigineqarpoq, Vittus Qujaukitsoq ilisimatitsivoq, taamalu kina siulittaasunngortinneqassanersoq pillugu aalajangiinissaq Siumukkunnut tunniullugu.

Isumalioqatigiissitaq aasaq aallarteqqinneqalermat Doris J. Jensen Sunni Fleischer Johansenilu Siumumit inassutigineqarput. Kingullertut pineqartoq ullumi paarlatsitut atuuppoq.

Suna pissutaava?

Apeqqutaavoq Siumut siulittaasunngortikkusutaminik erseqqissumik nalunaaruteqarnissamut suna tunuarsimaarfigineraa.

Suinni Fleischer Johansen, ullumi Folketingimi Aki-Mathilda Høegh-Damimut allattaasoq suliaq pillugu Sermitsiaq.AG-mut oqaaseqarusunngilaq.

Siulittaasumut tunngatillugu qulartoqalersimaneranut pissutaasinnaavoq, Suinni Fleischer Johansenip Tunngaviusumik inatsisissaq pillugu isumalioqatigiissitami akissarsiaqalaarluni sulinissamut sanilliullugu Danmarkimi tamakkiisumik suliffeqarnissamik soqutiginninnerunera.

Mikael Petersenip ilisimatitsissutigerusunngilaa, Suinni fleischer Johansenip Kalaallit Nunaannut uternermini aningaasatigut attanneqarsinnaasumik inuuneqarnissaa anguniarlugu Nuummi partiip iluani suliffissarsiuullugu suliniuteqartoqarnersoq.

Suinni Fleischer Johansen pillugu:

2018-imi Inatsisartut qineqqusaarpoq 62-inillu taaguunneqarluni 

Lunds Universitetimi inuiaqatigiilerinermi kandidatiuvoq

Siumut inuusuttortaani, SIS, siusinnerusukkut siulittaasumut tullersortaasimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER