Kalaallit Airports
Siulittaasoq: Mittarfiit tallineqarnissaat imaassinnaavoq innersuussutiginngikkipput
Immaqa Qaqortup mittarfissaanut aqqusineq nutaaq atorneqanngisaannassaaq. Namminersorlutik Oqartussat sanaartornissaannut suliffeqarfiutaata taamaallaatmittarfinnik nutaanik sanasoqarnissaa innersuussutigisinnaavaat namminneq naatsorsuinerminni paasigunikku akilersinnaasumik ingerlasinnaasut, siulersuisuni siulittaasunngorlaaq oqarpoq
Ukiamut Qaqortumi mittarfissamut aqqusineq nutaaq 6 kilometerinik isorartussusilik naammassissaaq. Imaassinnaavorli aqqusinniulussinnartoqartoq.
Imaaginnanngilarmi mittarfiliortoqassappat illoqarfimmi sumiinnissaa suli nalornineqarluni.
Namminersorlutik Oqartussat mittarfinnik sanaartornissamut suliffeqarfiutaa Kalaallit Airport aamma naatsorsueqqaarusuppoq mittarfiup taassuma Nuummilu Ilulissanilu mittarfiit tallinerat akilersinnaanersut.
Atuaruk: Mittarfiit pingasut Kalaallit Airportsimut katersuuttut
Misissuinerit
Akilersinnaanngippatalu suliffeqarfiup Namminersorlutik Oqartussanut innersuussutigissavaa sananeqassanngitsut, Kalaallit Airportsini siulersuisuni siulittaasoq Leo Larsen oqarpoq.
- Mittarfiit pingasut sananeqarnissaannut naalakkersuinikkut aalajangiisoqarsimavoq, Taamaattumik suliniutini pingasuni akilersinnaasumik ingerlatsisoqarsinnaaneranut suut tamaasa misissorlugit aallartipparput. Naqqaniit aallartissaagut angallannerit ingerlavii, akitsuutit, isertitat, aningaasartuutit assigisaallu naatsorsuusiorfigalugit. Nalinginnaasumik periuseq atorlugu. Taamaalioreerutta Namminersorlutik Oqartussanut innersuussissaagut taamaaliortoqassanersoq, Leo Larsen oqarpoq.
Allaaserisaq tamaat AG-mi uani sapaatip akunnerani saqqummertumi atuaruk. Aviisi uani aamma pisiarinissaanut periarfissaqarputit: