Skip to main content

Siulersuisut: Tilliie tamakkiisumik tapersersorneqarpoq

Suleqatigiissitsisut siulersuisuunerisa siulittaasorigallagartik tapersersorpaat aamma partiip aningaasaqarneranik siulersuisunut ilaasortaasimasup sakkortuumik isornartorsiuinera akerlilerpaat.

Suleqatigiissitsisut siulersuisuunerisa siulittaasorigallagartik aamma partiip aningaasaqarneranik pingarnersiuineq tapersersorpaat.

- Pissutsit ajunngitsuunerat toqqissisimassutigaara. Naatsorsuutit matoqqasut kukkunersiuisunut akueritissimavavut. Siulersuisuunerit aningaasartuutit tamaasa akuerisimavaat, tamarmillu naatsorsuutinut atsiorsimallutik. Aamma Jan Joe Seidsen (siulersuisunut ilaasortaasimasoq), siulersuisuni ilaasortaq Jesper Enevoldsen oqarpoq.

- Naatsorsuutinut tunngatillugu ajortoqanngilaq. Siulersuisut suliarineqarsimasunut tamanut tapersersuipput, aamma 2019-imut naatsorsuutit kukkunersiuisarfinnit marluusunit misissorneqarsimapput, siulersuisuni ilaasortaq Kim Lyberth oqarpoq.

Isornartorsiummut tupigusuttoq

Louis Sigurdsenip parteeqatini pikkorissoq ilaajunnaarmat ajuusaarutigivaa.

- Pisoq pakatsissutigeqaara, Janimi partiimik pilersitseqataasimavoq. Pisoq manna eqqaassanngikkaanni inutsialaavoq, partiilu sinnerlugu sulilluarsimavoq sulinerminilu ajunngitsorpassuarnik qaqitsisarluni, taanna oqarpoq.

Isornartorsiuineq paasisinnaannginnerarpaa, tunngavigisaalu tupigusuutiginerarlugit.

- Marloriarluni aningaasaqarnermut naatsorsuusiortutut akisussaasuusimavoq, tamaasalu akuerseqataaffigisimallugit. Taannavoq siorna akileraarutinut A-nut akiliinngitsoorsimasoq aamma ukioq manna missingersuusiorsimanngitsoq, taanna oqarpoq.

- Annilaanngatiginarpoq piaaaraluni ajoqusiiniarsimasinnaanera, Louis Sigurdsen oqarpoq.

Jan Joe Seidsen siulersuisuunernit tunuarnikuuvoq aamma 2019-imi septembarip qaamataanit 2020-mi juunip qaammataani uternissami tungaanut naatsorsuusiortarneq allamut tunniussimavaa. 

Kukkusumik pingaarnersiuisoqarsimasoq

Louis Sigurdsenip erseqqissaatigaa, Tillie Martinussenip siulittaasutut inissimaneranut tatiginnilluinnarluni aamma partii aningaasatigut pingaarnersiuinermi ammasaumik ingerlatsisimasoq.

Pingaarnersiuisimanerlu tamannarpiaq siulersuisuunerni ilaasortaasimasup Jan Joe Seidsenip akuerisinnaasimanngilaa.

- Isumaqarpunga aningaasat annersaat partiip aningaasartuutaanut atorneqaratik inuttut nammineq atorneqartarsimasut, taanna sapaatip akunnerani kingullermi siulersuisuunernit tunuarnerminut tunngavilersuuteqarluni oqarpoq.

Atuisimanermut isornartorsiuinerminik siulersuisuunernit taperserneqannginnini pakatsissutigaa.

- Imaassinnaavoq aningaasarpassuarnik kiinakkut suliaritinnermut neriniartarfinnilu nerisarnermut atuineq inuit ilaasa ajorinngikkaat, uanga tamatumunnga isumaqataanngilanga, taanna oqarpoq.

Naatsorsuutit nammineerluni akuerisimagai

Jan Joe Seidsen naapertorlugu karsi imaarussimavoq, tamannalu ernumanartoqartippaa.

- Qinersisoqarnissaanik nalunaaruteqartoqarsinnaasumi (nipisattassiissutit suliarineqarnerannut atatillugu) Suleqatigiissitsisut inissisimapput. Qineqqusaarnissamut karsimi aningaasaateqartoqanngilaq. Aningaasat akisussaassuseqanngilluinnartumik atorneqarsimapput, taanna oqarpoq.

Nammineerlutimmi siulersuisuunerni ilaasortaasimavutit, atuinermullu akuersisarsimallutit aamma 2019-imut naatsorsuutit atsiorsimallugit?

- 2019-imi Tillie Martinussen oqarfigaara neriniartarfimmi nerivallaartoq, unitsittariaqaraalu. Naatsorsuutigilluinnarsimavara oqaatigisara malissimassagaa.

- Aap juunip qaammataaniit maannamut naatsorsuusiortuuvunga, taavami maannamut qanoq pisoqassava? Uangami aningaasanik atuisimanngilanga. Sapaatip akunnerisa pingasut matuma siornatigut mailikkut allaffigaara (Tillie Martinussen) korti aksiussaassuseqarnngitsumik atoramiuk utertittariaqaraa.

Siulersuisuunerit Tilliie Martinussenimut tapersersuisut

Jan Joe Seidsenili isornartorsiuinermi kisimiippoq. Siulersuunerit ataasinngormat unnukkut ataatsimiinnerminni ataatsimoorlutik siulittaasuugallartoq partiillu aningaasatigut pingaarnersiuinerat taperserpaat.

- Siulersuisuunerit aalajangiussimavaat unnerluutigineqartut tamarmik tunngavissaqanngitsut, naatsorsuutini pissusissaanngitsumik ingerlatsisoqarsimanngitsoq aamma Tillie Martinussen partiimi oqartussanit tamarni siulittaasutut tapersersorneqartoq, siulersuisut marlunngormat oqaatigaat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER