Siulersuisut siulittaasuata akissarsiaanik qaffaanissaq Dorisip akueraa
Kalaallit Airportsimi siulersuisuni siulittaasup Johannus Egholm Hansenip siulersuisuniinnermini akissarsiaanik 50 procentimik, tassa 500.000 koruuniniik 750.000 koruuninut qaffaanissaq, Doris J. Jensenip juunimi aalajangerpaa.
Suliaq aasaanerani sulinngiffeqarnerup nalaani suliarineqarpoq, tassani – naalakkersuisoqarfimmi pisortap Søren Hald Møllerip oqarnera naapertorlugu – Naalakkersuisuni ilaasortat ataatsimeeqatigeqqaanngikkaluarlugit siulittaasoq nammineerluni aalajangiisinnaasarmat.
Kielsen sulinngiffeqartoq
Kalaallit Airportsimi siulittaasup akissarsiaanik qaffaasoqarnera aalajangerneqarpoq, Naalakkersuisut Siulittaasuata Kim Kielsenip aasaanerani sulinngiffeqarnerata nalaani. Naalakkersuisut siulittaasuata suliassai Naalakkersuisup Doris J. Jensenip piffissami tassani akisussaaffigai.
Naalakkersuisoqarfimmi pisortap Søren Hald Møllerip Sermitsiaq.AG-mut siusinnerusukkut ilisimatitsissutigaa, siulittaasup akissarsiaanik qaffaanermut, taamaasilluni namminersorlutik oqartussat pigisaani siulersuisuni siulittaasut akissarsiaanniit qaffasinnerusumik akissarsiaqartitsilernermut, pissutaasoq annertunerujussuarmik suliassaqalerneq.
Partii Naleqqameersoq Pele Broberg, suliaq pillugu paragraf 37 atorlugu allarlinnik apeqquteqarpoq. Taanna mittarfinnut inatsimmut, maannatut akuerineqarsimasumut, akerliuvoq. Taassumallu paasisinnaanngilaa sooq siulittaasup akissarsiai qaffattariaqarnersut.
Suliaq malersorumavaa
Aningaasaqarnermut Naalakkersuisuunippit nalaani aalajangerneq pillugu ilisimatinneqarputit. Sooq suliaq massakkut aatsaat qaqippiuk?
- Piffissami tassani suliaq malersorumanerusimavara, inuunngitsoq. Ima paasineqassaaq mittarfinnut inatsit pillugu aalajangernermut tunngaviusoq ukkatarerusussimavara, Partii Naleqqammi tamanna akerleraa, Pele Broberg Sermitsiaq.AG-mut nassuiaavoq.
Politikkikkut akilerneqarneq
Taassumali ilanngullugu ilisimatitsissutigaa aalajangerneq pillugu Naalakkersuisut Siulittaasuanut Kim Kielsenimut allakkatigut akerliunerminik ilisimatitsisimalluni.
- Politikkikkut suliaq pillugu politikkikkut akilerneqarnermik isigisariaqartutut ikkami, Pele Broberg akissarsianik qaffaaneq pillugu oqarpoq.