SULIFFEQARFIIT AQUNNEQARNERAT
Siulersuisuni danskit killilersorneqarlik
Siulersuisuni ilaasortat – nunani allani najugaqartut – ikilipiloorneqassapput. Amerlanerussuteqartut maani nujuaqartuusariaqartut, Siumut isumaqarpoq
Tele-Postip siulersuisui Danmarkimi najugaqartumik siulittaasoqarput. Royal Greenlandilu Air Greenlandilu aamma taamatut inissisimapput. Grønlandsbankip siulittaasua Oslomi najugaaqarpoq.
Taakkulu saniatigut namminersorlutik oqartussat suliffeqarfiutaasa siulersuisuini ilaasortat arlallit Kalaallit Nunaata killeqarfiata avataaneersuupput.
Atuaruk: Qallunaat pisortat saqquminersaasut
Partiinit taperserneqartoq
Taamaatut inissisimaneq allanngortinneqartariaqartoq Siumut sinnerlugu Inatsisartunut ilaasortaq, Suka K. Frederiksen isumaqarpoq, taannalu siulersuisuni danskit killilersorneqalernissaannik taaneqarsinnaasumik eqqussisoqartariaqartoq isumaqarpoq. Avataanit aqunneqarneq kipitinneqartariaqarpoq.
Siunnersuut Inatsisartut upernaakkut ataatsimiinnerani saqqummiunneqarpoq, taannalu apriilip ulluisa 25-ianni siullermeerneqassaaq.
- Kingusinnerpaamik 2017-imi, namminersorlutik oqartussat suliffeqarfiutaanni siulersuisuni ilaasortat amerlanerit inunnik Kalaallit Nunaanni najugaqartunik inuttalerneqarnissaannik Naalakkersuisut malittarisassiussasut, taanna Inatsisartuni aalajangiiffigisassatut siunnersuummini erseqqissavoq.
Atuaruk: Partii Naleraq: Transparency qallunaanuinnaanerpa?
Inatsisartunilu isumassarsiaa amerlanerussuteqarumaartoq ilimanarpoq: Partii Naleraq isummanik taamaattunik annissisareerpoq, Inuit Ataqatigiillu siunnersuummik Suka Frederiksenip killiliineranut naapertuuttumik eqqarsaatersorpoq; partiilumi suli sukanganeruvoq.
Atuaruk: Lektori: Danskit Kalaallit Nunaat pimoorunneruttariaqarpaat
Allaaserisaq AG-mi uani sapaatip-akunnerani saqqummertumi atuaruk, taanna aallarnisaaneq pillugu sammisamik angisuumik imaqarpoq. Aviisi uani aamma pisiarisinnaavat: