Siulersuisuini kiinnat nutaat 13-it
Ukiumi qaangiuttumi Namminersorlutik Oqartussat suliffeqarfiutaanni siulersuisut qaqutigoortumik taarseraannerujussuannut pisimasut malunnaatillit marluk pissutaapput
Airports International danskit naalagaaffiata piginneqataaffigisaa pilersinneqarmat aamma Air Greenland SAS-ip Naalagaaffiullu piginneqataassutaanik pisiaqarmat Namminersorlutik Oqartussat suliffeqarfiutaanni siulersuisuni ilaasortat nutaat amerlanerulerput.
Taamaalilluni siulersuisuni ilaasortanngortut 13-it tikilluaqquneqarsimapput, taamatullu amerlatigingajattut inuulluqquneqarsimallutik.
20 procntii taarseraattut
Namminersorlutik Oqartussat suliffeqarfiutaanni Naalakkersuisut Siulittaasuata Allattoqarfianit nakkutigineqartuni siulersuisunut ilaasortat katillutik 85-iupput. Sulisunit toqqarneqarsimasut 15-it minikkaanni siulersuisunut ilaasortat 70-iupput. Ilaasortanngortulli ilaasortaajunnaartullu 13-iummata ilaasortat 20 procentii taarseraattuupput.
Suliffeqarfinni 14-ini siulittaasunik taarsiisoqarsimanngilaq.
Ilaasortaalersut – ilaasortaajunnaartut
Siulersuisuni ilaasortanngortut ilaasortaajunnaartullu allattorsimaffiat ima isikkoqarpoq:
Kalaallit Airports International
Ilaasortanngortut:
Merete Eldrup, Naalagaaffiup sinniisaa
Marlene Haugaard, Naalagaaffiup sinniisaa
Ilaasortaajunnaartut:
Peter Christiansen
Louise Hasle
Air Grenland
Ilaasortanngortut:
Steen Jensen
Malik Hegelund Olsen
Jette Larsen
Annette Brønholt
Ilaasortaajunnaartut:
Bjarne Eklund, Naalagaaffiup sinniisaa
Claus Holstein, Naalagaaffiup sinniisaa
Jan Torberger, SAS-ip sinniisaa
Leif Rasmussen, SAS-ip sinniisaa
Royal Arctic Line
Ilaasortanngortut:
Steffan Buch
Zeeb Minannguaq
Ilaasortaajunnaartut:
Tanja Nielsen
Amma Knudsen
KNI
Ilaasortanngortut:
Steen Montgomery-Andersen
Lone Møller Olsen
Ilaasortaajunnaartut:
Bodil Nyboe-Andersen
Høgni Hansen
Royal Greenland
Ilaasortanngortut:
Niels Smedegaard
Krissie Berthelsen Winberg
Tina Lynge Schmidt
Ilaasortaajunnaartut:
Sara Heilmann
Tim Ørting-Jørgensen
Åse Aulie Michelet
Pissarsiffik: Siulersuisunut allattoqarfik
Ilanngutassiassat
Sermitsiaq.AG-p Namminersorlutik Oqartussat suliffeqarfiutaanni siulersuisut apersortarlugit ulluni aggersuni samminiarpai. Aamma piginnittuunermi politikkissamut nutaamut tunngatillugu oqalalissaarut Naalakkersuisut tusarniaassutigisimasaat sammineqassaaq.