Tamanna pivoq Kalaallit Nunaanni Sisorartartut kattuffiata Uiloq Nielsen Kleist allattoqarfimmi siunnersortitut atorfinitsimmagu.

Sisorartartut kattuffiat naapertorlugu nassuerutigineqarpoq, sunngiffimminni suleqataasartut kisiisa isumalluutigineqarsinnaanngitsut, taamaammallu Sisorartartut Kattuffianni siulersuisut aalajangerput allattoqarfimmi atorfimmik pilersitsisoqassasoq sisorartartunik sullissisussamik.

Sisorartartut klubbiisa attaveqaqatigiinnerannik Uiloq Nielsen Kleist nukittorsaassaaq aaqqissuussinernilu ataqatigiissaarisarluni.

Sisorartartut Kattuffiat / Skiforbundet

- Sisorartarnerup ineriartornera siumut ingerlavoq, pitsanngorsassappallu kajumissutsiminnik suliaqartunit kisimi aallaaveqassanngilaq. Taamaattumik Uiloq Nielsen Kleistip atorfinitsinneranut isumalluarpugut, taamak oqarpoq Pâviâraq Heimann, Kalaallit Nunaanni Sisorartartut Kattuffiani siulittaasoq.

Klubbit attaveqaqatigiinnerat nukittorsassavaa aaqqissuussinernilu ataqatigiissaarisassalluni

Pingaarnertut Uiloq Nielsen Kleistip suliassaata ilaanniippoq Kalaallit Nunatsinni sisorarnerup iluani assigiinngitsunik sammisaqartitsisarnissaa taamalu attaveqaqatigiinnissap sunniuteqarluarnissaata tulluarsarnissaanullu suliaqassalluni.

Kalaallit Nunaanni Sisorartartut Kattuffiat annertuumik takorluugaqarlutillu anguniagaqarput, tamanna Uiloq Nielsen Kleistip piviusunngortitsinissamik suliaqarnissamini pingaartitassaasa ilagissavaat.

Kalaallit Nunaanni Sisorartartut Kattuffiani siunnersortitut sulinermini pilersaarusiornerni unammersuarnerit akornanni naammassinninnissaq taamalu suliaminik ingerlatsineq suliarisassavai.

Saniatigut suliniutissaasa ilagissavaat sisorarnermik kattuffiup nittartakkatigut saqqumminerunissaa taamalu aningaasanik tapersiisartunik ujaasineq.

Sisorartartut amerliartortit piujuartitsinissamillu pingaartitsilluni ingerlatsineq

Ujarassiuutut tunuliaqutagissaarluni sisorarnerullu silarsuaanut pilerissuseqarluni pilersaarusiorneq ataqatigiissaarinerlu nukiillu nutaat atorlugit Uiloq Nielsen Kleistip sisorartut kattuffiani siulersuisut ataatsimiititalianilu suliaqartut suleqatigissavai.

- Allaffeqarfiup naqissuserpaa nunatsinni sisorarnerup silarsuaani Kalaallit Nunaanni Sisorartartut Kattuffiani pisoq pilersinneqartussaq pingaartoq. Taamalu Kattuffiup ersersippaa nunatsinni sisorarnerup pimoorussisumik aallaaveqartumik siunissami pisussat nutaat angussagai, taamak nalunaaruteqarpoq Kalaallit Nunaanni Sisortartartut Kattuffiat.